ملک کو آئی پیز کے چنگل میں ن لیگ نے پھنسایا ہے،عمرایوب

فائل:فوٹو

اسلام آباد: پاکستان تحریک انصاف کے رہنما عمر ایوب نے کہا ہے کہ ملک کو آئی پیز کے چنگل میں ن لیگ نے پھنسایا ہے۔ مذاکرات کے لیے حکومت کے پلے کچھ بھی نہیں ہے۔ وزرا کے ہوش اڑے ہوئے ہیں، یہ آپس میں دست وگریباں ہیں۔

رہنما پی ٹی آئی عمر ایوب نے بیان میں کہا کہ ن لیگ نے کپیسٹی چارجزکے مہنگے معاہدے خود کیے اب نگراں وزرا کیوں مگرمچھ کے آنسو بہا رہے ہیں؟ نگراں حکومت کو ہمارے پیچھے ویگوڈالے لگانے سے ہی فرصت نہ تھی۔ ان کے وزرا پہلے پیزے اور پیسٹریاں کھانے میں مصروف تھے۔

عمر ایوب کا مزید کہنا تھا کہ دنیا میں بجلی کی پیداواری لاگت کم ہمارے ہاں زیادہ ہے۔ ہم نے اپنے دورمیں آئی پی پیزکے ساتھ معاہدوں پرنظرثانی کی اور آئی پی پیزک کے لئے ڈالرریٹ 175روپے پرفکس کر کے اربوں ڈالر بچائے۔ ہم نے قطرکے ساتھ ایل این جی معاہدے پرنظرثانی کی اور 10ارب ڈالرسیزائد بچائے۔

پی ٹی آئی کے رہنما نے کہا کہ مذاکرات کے لیے حکومت کے پلے کچھ بھی نہیں ہے۔ وزرا کے ہوش اڑے ہوئے ہیں، یہ آپس میں دست وگریباں ہیں۔