لاپتا افراد سے متعلق کیسز، لائیو اسٹریمنگ کا لنک جاری

فائل:فوٹو

اسلام آباد: لاپتا افراد سے متعلق کیسز کی براہ راست سماعت کے لیے لائیو اسٹریمنگ کا لنک جاری کردیا گیا۔

اسلام آباد ہائی کورٹ کی ویب سائٹ پر لائیو اسٹریمنگ کا لنک جاری کردیا گیا ہے، جس پر لاپتا افراد کے کیسز کی سماعت براہ راست نشر کی جائے گی۔

ہائی کورٹ کے آئی ٹی ڈیپارٹمنٹ کی جانب سے لاپتا افراد کے کیسز کی لائیو اسٹریمنگ کے انتظامات کو حتمی شکل دے دی گئی ہے۔

خیال رہے کہ لاہور ہائی کورٹ سے تاحال کوئی کیس براہ راست نشر نہیں کیا گیا۔ جسٹس محسن اختر کیانی نے لاپتا افراد کے کیسز کی لائیو اسٹڑیمنگ کی ہدایت کی تھی۔

یاد رہے کہ اس سے قبل عدالت عظمیٰ میں بھی کچھ مقدمات کی سماعت کو براہ راست نشر کیا گیا تھا، جس میں پیپلز پارٹی کے بانی اور سابق وزیراعظم ذوالفقار علی بھٹو سے متعلق صدارتی ریفرنس کی سماعت بھی شامل تھی۔

About The Author

Zameeni Haqaiq

See author's posts