سیکیورٹی فورسز کی پشاور میں کارروائی ، 2دہشتگرد ہلاک

By Zameeni Haqaiq On مئی 31, 2024

Pakistani soldiers cordon off a street leading to Christian colony following an attack by suicide bombers on the outskirts of Peshawar on September 2, 2016. Four suicide bombers who were trying to attack a Christian colony in Pakistan were killed early on September 2 during a gunfight with security forces outside the northwestern city of Peshawar, the army said. / AFP PHOTO / A MAJEED

46 / 100

فائل:فوٹو

پشاور: سیکیورٹی فورسز کی جانب سے پشاور کے جنرل علاقے حسن خیل میں انٹیلی جنس بیسڈ آپریشن میں 2دہشتگرد ہلاک جبکہ 2زخمی ہوگئے ۔دہشت گرد سیکیورٹی فورسز کے خلاف دہشت گردی کی متعدد کارروائیوں اور معصوم شہریوں کے قتل میں ملوث تھے۔

آئی ایس پی آر کے مطابق 30 اور 31 مئی کی درمیانی رات سیکیورٹی فورسز نے دہشت گردوں کی موجودگی کی اطلاع پر ضلع پشاور کے جنرل علاقے حسن خیل میں انٹیلی جنس پر مبنی آپریشن کیا، آپریشن کے دوران سیکیورٹی فورسز نے دہشت گردوں کے ٹھکانے کا موثر انداز میں نشانہ بنایا، فائرنگ کے نتیجے میں دہشت گردوں کے سرغنہ ایاز المعروف محمد اور دہشت گرد احمدی کوچی کو جہنم واصل کر دیا گیا جب کہ دو دیگر دہشت گرد زخمی ہوئے۔

آئی ایس پی آر کاکہناہے کہ مارے گئے دہشت گرد سیکیورٹی فورسز کے خلاف دہشت گردی کی متعدد کارروائیوں اور معصوم شہریوں کے قتل میں ملوث تھے، ہلاک دہشت گردوں سے اسلحہ، گولہ بارود اور دھماکا خیز مواد بھی برآمد ہوا ہے۔

آئی ایس پی آر کے مطابق اہل علاقہ نے آپریشن کو سراہا، علاقے میں پائے جانے والے کسی دوسرے دہشت گرد کو ختم کرنے کے لیے علاقے میں آپریشن جاری ہے، پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

سیکیورٹی فورسز کی پشاور میں کارروائی ، 2دہشتگرد ہلاک