سورج آج دن کتنے بجے خانہ کعبہ کے عین اوپرآئے گا؟

فوٹو: العربیہ نیوز

مکہ مکرمہ: سورج آج دن کتنے بجے خانہ کعبہ کے عین اوپرآئے گا؟ فلکیاتی سوسائٹی کے نگران انجینئرماجد آل زاھرہ کے مطابق ’ پیر 27 مئی کو سورج خانہ کعبہ کے عین اوپرآئے گا۔ یہ واقعہ سال رواں کا پہلا ہوگا‘۔

اس حوالے سے اردو نیوز کی رپورٹ میں
العربیہ نیوز کا حوالہ دے کر بتایا گیا ہے کہ سورج کے خانہ کعبہ کے عین اوپر آنے کا وقت دوپہر 12 بج کر 18 منٹ پر ہوگا۔

ابوزھرہ کے مطابق سورج 90 ڈگری پر ہو گا جس کی وجہ سے خانہ کعبہ اور کسی بھی مجسم عمارت یا دیگر اشیا کا سایہ نہیں ہوگا۔اس دوران دیگر مقامات پر سورج قدرے مائل ہو گا۔

رپورٹ کے مطابق ابوزھرہ کا کہنا ہے کہ ’وہ علاقے جو عرض بلد پر 23.5 ڈگری شمال اورجنوب میں واقع ہیں وہاں یہ مشاہدہ سال میں دو بار دیکھا جاسکتا ہے‘۔

سورج کے عین خانہ کعبہ کے اوپر آنے پرعہد رفتہ میں قبلہ کے رخ کا تعین کیا جاتا تھا جس کے لیے ایک لکڑی کو زمین میں گاڑا جاتا تھا اور جب اس کا سایہ ظاہرہوتا تو اس کی مخالف سمت کو کعبہ کی سمت کے طورپر تعین کیا جاتا ہے۔