فائل:فوٹو
اسلام آباد: پاکستان اور ایران کی غزہ میں نسل کشی پر تشویش، اسرائیلی جارحیت فوری روکنے کا مطالبہ صدر مملکت آصف علی زرداری اور ایرانی صدر سید ابراہیم رئیسی کے درمیان فون پر گفتگو، عید کی مبارکباددی۔
صدرزرداری نے دونوں ممالک کو درپیش سیکیورٹی چیلنجز پر قابو پانے کے لیے معلومات کے تبادلے کو بڑھانے کی ضرورت پر زور دیا۔
صدر آصف علی زرداری اور ایران کے صدر سید ابراہیم رئیسی نے عید الفطر کے موقع پر ٹیلی فونک گفتگو کی اور مبارکباد کا تبادلہ کیا۔
ٹیلی فونک گفتگو کے دوران صدر آصف علی زرداری نے دمشق میں ایرانی سفارت خانے پر اسرائیلی حملے میں ایرانی قیادت اور سوگوار خاندانوں کے ساتھ دلی تعزیت اور ہمدردی کا اظہار کیا۔
صدرمملکت نے انسانی بحران اور اسرائیلی افواج کی جانب سے نسل کشی پر تشویش کا اظہار کرتے ہوئے غزہ میں فوری جنگ بندی کا مطالبہ کیا۔صدر آصف علی زرداری نے اپنے ایرانی ہم منصب کو یقین دلایا کہ پاکستان دوطرفہ تعاون کو مزید فروغ دینے کے لیے باہمی دلچسپی کے تمام شعبوں میں ایران کے ساتھ کام جاری رکھے گا۔
صدرمملکت نے دونوں ممالک کو درپیش سیکیورٹی چیلنجز پر قابو پانے کے لیے معلومات کے تبادلے کو بڑھانے کی ضرورت پر زور دیا۔
انہوں نے ایرانی صدر کو دورہ پاکستان کی دعوت دی۔صدر مملکت نے ایرانی صدر اور ان کے اہل خانہ کی صحت، تندرستی اور خوشیوں کے لیے بھی نیک خواہشات کا اظہار کیا۔
Comments are closed.