پولیس نے سلمان اکرم راجہ کو حراست میں لے لیا

فائل:فوٹو

 لاہور : لاہور پولیس نے پاکستان تحریک انصاف کے رہنما ء سلمان اکرم راجہ سمیت متعدد کارکنوں کو حراست میں لے کر نامعلوم مقام پر منتقل کردیا۔

عام انتخابات کے نتائج میں مبینہ دھاندلی کے خلاف پاکستان تحریک انصاف (پی ٹی ا?ئی) کے کارکنان جیل روڈ پر واقع پارٹی آفس کے باہر سراپا احتجاج ہیں۔تحریک انصاف کے احتجاجی مظاہرے میں خواتین کارکنان بھی شریک ہیں۔

پولیس نے احتجاج کرنے والے سلمان اکرم راجہ سمیت متعدد پی ٹی آئی کارکنوں کو حراست میں لے لیا ہے۔ پولیس کی زیرحراست سلمان اکرم راجہ سمیت پی ٹی آئی کارکنان کو پریزن وینز میں نامعلوم مقام پر منتقل کردیا ہے۔ڈی آئی جی آپریشنز علی ناصر بھی جیل روڈ پر پی ٹی آئی دفتر کے باہر پہنچ گئے ہیں۔ 

ادھر لاہور پولیس نے پریس کلب کے باہر سے بھی پی ٹی آئی کارکنان کو حراست میں لے لیا ہے۔لیڈی پولیس اہلکاروں نے پی ٹی آئی کی خواتین کارکنان کو بھی حراست میں لے لیا ہے۔

دوسری جانب اسلام آباد پریس کلب کے باہر پی ٹی آئی ورکرز سراپا احتجاج ہے ۔پی ٹی آئی ورکرز اسلام آباد پریس کلب کے باہر احتجاجی مظاہرہ کر رہے ہیں۔پی ٹی آئی ریلی میں شیر افضل مروت، شعیب شاہین اور عامر مغل شریک ہیں۔پی ٹی آئی کی ریلی میں خواتین بھی نیشنل پریس کلب کے باہر موجود ہیں۔

ادھر شیخوپورہ میں پاکستان تحریک انصاف کے کارکنان انتخابی نتائج میں دھاندلی کے خلاف پریس کلب کے باہر احتجاجی مظاہرہ کر رہے ہیں۔شیخوپورہ میں ہونے والے احتجاجی مظاہرے میں پی ٹی آئی کی خواتین کارکنان بھی شریک ہیں۔