علی امین گنڈاپور نے احتجاج میں شرکت کے لیے پولیس سے سکیورٹی مانگ لی

فائل:فوٹو
پشاور: نامزد وزیراعلیٰ خیبر پختونخوا علی امین گنڈاپور نے احتجاج میں شرکت کے لیے پولیس سے سکیورٹی مانگ لی۔ حکام کا کہنا ہے کہ نوٹیفکیشن کے بغیر انہیں وزیر اعلیٰ کا پروٹوکول نہیں دیا جا سکتا۔نوٹیفیکیشن کے بعد علی امین گنڈاپور وزیراعلیٰ کا پروٹوکول لے سکتے ہیں۔

ذرائع کے مطابق علی امین گنڈاپور گلستان پارک ہزار خوانی میں احتجاجی مظاہرے میں شرکت کے لیے جائیں گے، اس حوالے سے انہوں نے سکیورٹی فراہمی کے لیے آئی جی پولیس سے رابطہ کیا ہے، جس پر پولیس کی جانب سے احتجاجی جلسے اور علی امین گنڈاپور کو سکیورٹی فراہم کرنے کی یقین دہانی کرائی گئی ہے۔

سی پی او ذرائع کے مطابق حکام کا کہنا ہے کہ علی امین گنڈاپور کو تھریٹس ہیں، اس لیے سکیورٹی فراہم کی جا سکتی ہے۔علی امین گنڈاپور کا بطور وزیراعلیٰ نوٹیفکیشن ابھی جاری نہیں ہوا۔
نوٹیفکیشن کے بغیر انہیں وزیر اعلیٰ کا پروٹوکول نہیں دیا جا سکتا۔نوٹیفیکیشن کے بعد علی امین گنڈاپور وزیراعلیٰ کا پروٹوکول لے سکتے ہیں۔