خاتون جج دھمکی کیس ،بانی پی ٹی آئی کی درخواست پر فیصلہ محفوظ

فائل:فوٹو
اسلام آباد :ڈسٹرکٹ اینڈ سیشن کورٹ اسلام آباد نے خاتون جج کو دھمکی دینے کے کیس میں بانی پی ٹی آئی کی پروڈکشن کی درخواست پر فیصلہ محفوظ کر لیا۔

بانی پی ٹی آئی کے خلاف خاتون جج دھمکی کیس پر سماعت سول جج مرید عباس نے کی۔بانی پی ٹی آئی کے وکیل خالد یوسف چوہدری نے کہا کہ بانی پی ٹی آئی ریاست کی حراست میں ہیں انہیں پیش کیا جائے۔

جج مرید عباس نے استفسار کیا کہ آپ کی پہلی درخواست تھی انہیں سیکیورٹی خدشات ہیں پیش نہیں ہو سکتے۔جس پر وکیل خالد یوسف چوہدری نے کہا کہ وہ گرفتاری سے قبل تھی تب شدید خطرات تھے۔

جج مرید عباس نے کہا کہ پھر آپ کی پہلی درخواست پر فیصلہ کر کے بانی پی ٹی آئی کو سمن کر دیتے ہیں۔وکیل خالد یوسف نے کہا کہ اب انہیں پیش کرنا ریاست کی ذمے داری ہے وہ انہیں پیش کریں۔