کشمیر پریمیئر لیگ میں شرکت پر دھمکی، گبز نے انڈیا کو بے نقا ب کردیا

اسلام آباد( سپورٹس ڈیسک)بھارت نے کشمیر پریمیئر لیگ کھیلنے سے روکنے کے لیے جنوبی افریقہ کے سینئر کرکٹر ہرشل گبز کودھمکی دی تو جواب میں ہر شل گبز نے ٹویٹر پر بھارت کو بے نقاب کرکے پوری دنیا کو اصل بھارتی چہرہ دکھا دیا۔

جنوبی افریقہ کے سینئر کرکٹر ہرشل گبزنے ٹوئٹر پربیان میں بتا دیا کہ بھارتی کرکٹ بورڈ مجھے دھمکی دے رہا ہے، بی سی سی آئی غیر ضروری طور پرپاکستان کے ساتھ اپنا سیاسی ایجنڈا بیچ میں لارہا ہے۔

ہرشل گبزنے پوری دنیا کو بتا دیاہے کہ مجھے کے پی ایل ٹی ٹوئنٹی میں کھیلنے سے روکنے کی کوشش کی جارہی ہے اور دھمکی دی جارہی ہے کہ اگر کے پی ایل کھیلنے گئے تو بھارت میں انٹری کی اجازت نہیں دی جائیگی۔

Completely unnecessary of the @BCCI to bring their political agenda with Pakistan into the equation and trying to prevent me playing in the @kpl_20 . Also threatening me saying they won’t allow me entry into India for any cricket related work. Ludicrous 🙄

— Herschelle Gibbs (@hershybru) July 31, 2021

اس صورت حال میں کشمیر پریمیئر لیگ کے صدر عارف ملک نے بھی بتایاہے کہ پلیئرزکے ایجنٹس سے اطلاعات ملی ہیں کہ غیر ملکی کھلاڑیوں کی راہ میں رکاوٹیں ڈالی جارہی ہیں، انھوں نے کہا کہ بی سی سی آئی کے ہتھکنڈوں سے نمٹ لیں گے۔

واضح رہے کہ بھارتی دھمکیوں کے باعث بعض غیر ملکی کرکٹرز کشمیر پریمیئر لیگ سے دستبردار ہو گئے ہیں تاہم سری لنکن کرکٹر تلکارتنے دلشان نے کوئی بھی دباو قبول کرنے سے انکار کرتے ہوئے کے پی ایل کھیلنے کیلئے پاکستان آنے کا اعلان کیا ہے۔