فوٹو: فائل
شمالی وزیرستان (ویب ڈیسک) شمالی وزیرستان کے علمائے کرام نے چاند نظر آنے کا فیصلہ مسترد کرتے ہوئے آ 12 مئی کو روزہ رکھنے کا اعلان کردیاہے۔
شمالی وزیرستان کے کچھ لوگوں اور علماء کی جانب سے 12 مئی کو عید منانے کے اعلان کے بعد کئی علماء نے کہا کہ یہ مشترکہ فیصلہ نہیں تھا اب اگر ایک گاوں کے لوگ عید مناتے ہیں تو مناتے رہیں ۔
So the Ulema from North Waziristan have sent in this rejoinder that only Haider Khel village is celebrating Eid while the rest of North Waziristan will be fasting. Video via District Admin North Waziristan. pic.twitter.com/Wg1ENiE4xd
— Iftikhar Firdous (@IftikharFirdous) May 11, 2021
چاند نظر آنے کے بعد علمائے کرام نے مشاورت کے بعد اعلان کیا ہےاس حوالے سے اردو پوائنٹ کے مطابق حیدر خیل نامی ایک گاوں کے علاوہ شمالی وزیرستان کے باقی تمام علاقوں میں 12 مئی کو روزہ رکھا جائے گا۔
اس سے قبل نجی ٹی وی چینل سے وابستہ صحافی کی جانب سے بتایا گیا ہے کہ شمالی وزیرستان کی مقامی رویت ہلال کمیٹی نے کل عید الفطر منانے کا اعلان کر دیا ہے۔
اس حوالے سے مقامی رویت ہلال کمیٹی نے دعویٰ کیا تھا کہ انہیں شوال کے چاند کی رویت کے حوالے سے لوگوں کی گواہی موصول ہوئی جس کے تحت 12 مئی کو عید الفطر منائی جائے گی۔
The guy at the bottom thinks I made this up for “attention seeking” https://t.co/NEJbM6OSGQ pic.twitter.com/93Lv9FKDfW
— Iftikhar Firdous (@IftikharFirdous) May 11, 2021
شمالی وزیرستان کی مقامی رویت ہلال کمیٹی کے اس اعلان پر شہریوں کی جانب سے ردعمل سامنے آیا۔ شہریوں کا کہنا ہے کہ یہ کیسے ممکن ہے کہ چاند کی پیدائش سے قبل ہی چاند دیکھ لیا جائے۔
ان کا کہنا تھا کہ 11 مئی کو سعودی عرب سمیت دنیا کے کسی بھی ملک میں شوال کا چاند نہیں آیا۔ ماہرین فلکیات کے مطابق شوال کے چاند کی پیدائش 12 مئی کو رات 12 بجکر01 منٹ پرہوگی، تو پھر پیدائش سے کئی گھنٹے قبل ہی چاند کیسے دیکھ لیا گیا؟
دوسری جانب شوال کے چاند کی رویت کے حوالے سے محکمہ موسمیات نے پیشگوئی کرتے ہوئے کہا ہے کہ اس بار29 کی بجائے 30روزوں کا امکان زیادہ ہے، عیدالفطر 14مئی بروزجمعہ کو ہوسکتی ہے، تاہم حتمی فیصلہ رویت ہلال کمیٹی کرے گی۔
محکمہ موسمیات کے مطابق بدھ 12مئی کو ملک کے بیشترحصوں میں مطلع صاف ہوگا، تاہم شوال کاچاند نظرآنے کاامکان نہ ہونے کے برابرہے، شوال کے چاندکی پیدائش 12 مئی کی رات 12 بجکر01 منٹ پرہوگی۔
دوسری جانب وفاقی وزیر اطلاعات و نشریات فواد چوہدری کا بھی کہنا ہے کہ عید کا حتمی اعلان رویت ہلال کمیٹی نے ہی کرنا ہے تاہم وزارت سائنس و ٹیکنالوجی کے کیلنڈر اور رویت ایپ کے مطابق چاند 13 مئی کو نظر آئے گا ا۔
Comments are closed.