امریکی مزاکراتی ٹیم کی پاکستان آمد منسوخ، ایرانی جب چاہیں ہمیں کال کر لیں، ٹرمپ

فوٹو : فائل

اسلام آباد: امریکی مزاکراتی ٹیم کی پاکستان آمد منسوخ، ایرانی جب چاہیں ہمیں کال کر لیں، ٹرمپ کا امریکہ-ایران مذاکرات کیلئے وٹکوف اور کشنر کا دورۂ پاکستان منسوخ کرنے کے موقع پر گفتگو، ڈونلڈ ٹرمپ نے فاکس نیوز سے گفتگو کرتے ہوئے کہا وٹکوف اور کشنر پاکستان نہیں جارہے.

اسلام آباد میں امریکہ اور ایران کے درمیان مذاکرات کے ممکنہ دوسرا دور شروع ہی نہ ہو سکا تاہم پاکستان اور ایرانی وزیر خارجہ عباس عراقچی کی ملاقاتیں ہوئیں ،امریکی صدر ڈونلڈ ٹرمپ نے عین وقت پر اپنے مذاکراتی وفد کو پاکستان کے دورے سے روک دیا ہے۔

امریکی صدر ڈونلڈ ٹرمپ نے ہفتہ کے روز ’فاکس نیوز‘ کی صحافی عائشہ حسنی سے گفتگو میں امریکی صدر ڈونلڈ ٹرمپ نے کہا کہ اسٹیو وٹکوف اور جیرڈ کشنر اب ایران کے ساتھ مذاکرات کے لیے پاکستان نہیں جارہے ہیں۔

صدر ٹرمپ کا کہنا تھا کہ اس جنگ میں امریکہ کا پلڑا بھاری ہے، اس لیے امریکی وفد کا 18 گھنٹے کی طویل مسافت طے کر کے پاکستان جانا سود مند نہیں ہے۔ انہوں نے کہا کہ ایرانی جب چاہیں ہمیں کال کرسکتے ہیں۔

ڈونلڈ ٹرمپ نے کہا کہ ’ہمارے لوگ روانگی کی تیاری کر رہے تھے، میں نے کچھ دیر قبل انہیں یہ کہہ کہ روک دیا ہے کہ آپ بے مقصد باتوں کے لیے اتنی طویل مسافت کا سفر نہ کریں‘۔ ان کا کہنا تھا کہ ’ہمارے پاس تمام ’کارڈز‘ موجود ہیں، وہ جب چاہیں ہمیں کال کر سکتے ہیں‘۔

امریکی صدر نے کہا کہ انہوں نے ہمیں ایک کاغذ دیا تھا، اس میں جو چیزیں تھیں وہ بہتر ہونی چاہئے تھیں، جب میں نے اسے مسترد کیا تو 10 منٹ میں نیا پرچہ آگیا، یہ پرچہ پہلے سے کہیں بہتر تھا

ہم نے یہ بات کی کہ ان کے پاس نیوکلیئر ہتھیار نہیں ہوگا، یہ ڈیل کوئی اتنی پیچیدہ نہیں ہے، سادہ سی بات ہے، ایران نیوکلیئر ہتھیار نہیں بنا سکتا۔

اپنے بیان میں صدر ٹرمپ نے یہ بھی کہا کہ انہوں نے اپنے نمائندوں کا اسلام آباد کا دورہ اس لیے منسوخ کیا کیونکہ ایرانی قیادت کے اندر شدید اختلافات اور ابہام پایا جاتا ہے اور یہ واضح نہیں کہ اصل اختیار کس کے پاس ہے۔ انہوں نے مزید کہا کہ طویل سفر کے باوجود کسی نتیجے تک پہنچنے کے امکانات کم تھے۔

امریکی صدر نے مزید کہا کہ ہم کرپٹو اور اے آئی میں سب سے آگے ہیں، کرپٹو انڈسٹری ایک دن مین اسٹریم میں آجائے گی،انھوں نے مزاکرات کیلئے پاکستانی قیادت کی کوششوں کو بھی سراہا.

واضح رہے کہ ایک روز قبل صدر ٹرمپ نے کہا تھا کہ امریکہ اب ان افراد سے بات کر رہا ہے جو اصل اختیار رکھتے ہیں، تاہم اس سے پہلے انہوں نے یہ بھی تسلیم کیا تھا کہ ایرانی قیادت کے حوالے سے مکمل وضاحت موجود نہیں۔

وائٹ ہاؤس کی ترجمان کیرولین لیویٹ نے تصدیق کی تھی کہ مشرق وسطیٰ کے لیے امریکی خصوصی ایلچی اسٹیو وٹکوف اور صدر ٹرمپ کے داماد جیرڈ کشنر مذاکرات کے دوسرے دور کے لیے اسلام آباد جائیں گے۔

ایرانی وزیر خارجہ عباس عراقچی بھی ہفتے کے روز اسلام آباد پہنچے تھے۔ انہوں نے وزیراعظم شہباز شریف اور فیلڈ مارشل عاصم منیر سے ملاقاتیں کیں اور واپس روانہ ہوگئے۔