مسلم لیگ ن کی سیاست کو ان کے اپنے شہر لاہور میں دفن کردیا گیا،شیخ رشید

فائل:فوٹو

اسلام آباد:: عوامی مسلم لیگ کے رہنما شیخ رشید احمدکا کہنا ہے کہ وزیرداخلہ رانا ثنا اللہ کوتخت لاہور لینا تھا (ن) لیگ کا تابوت لے کر واپس گئے۔ا ن کی سیاست کو ان کے اپنے شہر لاہور میں دفن کردیا گیا۔

سماجی رابطے کی ویب سائٹ ٹویٹر پر اپنے ایک ٹویٹ میں شیخ رشید احمد نے کہا کہ (ن) لیگ کی سیاست کو ان کے اپنے شہر لاہور میں دفن کردیا گیا۔ عمران خان اسمبلیاں تحلیل کریں گے اور عنقریب انتخابی مہم زخمی حالت میں شروع کریں گے۔

عمران خان نےلاہورکو ن لیگ کاپانی پت بنادیااب نوازشریف قُل پڑھےگا27کلومیٹرکاجزیرہ گھیرےمیں ہےگینگ آف5کی فاشسٹ سازش دفن ہوگئی نوازشریف کی آمدبھی کھٹائی میں پڑگئی حکمران نہ منہ دیکھانےنہ چوردروازےسےآنےکےقابل رہےحکمران اتحادی شرم ناک شکست کےلیےتیاررہیں 100دن میں الیکشن شیڈول آجائے گا

— Sheikh Rashid Ahmed (@ShkhRasheed) January 12, 2023

شیخ رشید احمد کا مزید کہنا تھا کہ ان کو سمجھ آجانا چاہیے کہ عمران خان کو سیاست آتی ہے۔ تحریک اعتماد کی منصوبہ بندی 3 دن پہلے کر لی گئی تھی۔ وزیرداخلہ نے تخت لاہور لینا تھا وہ (ن) لیگ کا تابوت واپس لے آئے۔