آرمی چیف کاسعودی عرب اوریواے ای کادورہ ،سعودی وزیردفاع سے ملاقات میں عسکری اور دفاعی تعاون بڑھانے پر اتفاق

فائل:فوٹو

راولپنڈی: آرمی چیف جنرل سید عاصم منیر گزشتہ روز سے سعودی عرب اور متحدہ عرب امارات کے سرکاری دورے پر ہیں۔

آئی ایس پی آر کے مطابق آرمی چیف 10 جنوری تک دورے پر ہیں، اس دوران وہ برادر ملکوں کی قیادتوں سے ملاقاتیں کریں گے۔

ترجمان کے مطابق ملاقاتوں میں فوجی تعاون کے ساتھ دو طرفہ امور پر بات چیت ہوگی۔

دوسری جانب سعودی خبر ایجنسی کے مطابق آرمی چیف جنرل سید عاصم منیر نے گزشتہ روز سعودی وزیر دفاع شہزادہ خالد بن سلمان سے دارالحکومت ریاض میں ملاقات کی، جس میں دونوں ممالک کے مابین عسکری و دفاعی تعاون بڑھانے پر اتفاق کیا گیا۔

سمو وزير الدفاع يلتقي رئيس أركان الجيش الباكستاني.https://t.co/9z16Pp7cT4#واس_عام pic.twitter.com/aBF261JnNK

— واس العام (@SPAregions) January 4, 2023

سعودی وزیر دفاع نے جنرل سید عاصم منیر کو آرمی چیف بننے پر مبارک باد دیتے ہوئے دونوں ملکوں کے درمیان تعلقات مزید مضبوط بنانے کی ضرورت پر زور دیا۔ ملاقات میں خطے کی صورت حال اور دیگر بین الاقوامی معاملات پر بھی بات چیت کی گئی۔