شمالی وزیرستان میں سکیورٹی فورسز کا آپریشن،5 دہشتگرد مارے گئے،سپاہی شہید

فوٹو: آئی ایس پی آر

راولپنڈی: شمالی وزیرستان میں سکیورٹی فورسز کا آپریشن،5 دہشتگرد مارے گئے،سپاہی شہید، فائرنگ کے تبادلے میں 25 سالہ سپاہی ناصر خان بہادری سے لڑتے ہوئے شہید ہوگئے۔

آئی ایس پی آر سے جاری اعلامیہ کے مطابق سکیورٹی فورسز نے شمالی وزیرستان کے علاقے جھلر الگاد میں دہشت گردوں کی موجودگی کی خفیہ اطلاعات پر آپریشن کیا۔

سکیورٹی فورسز اور دہشت گردوں کے درمیان شدید فائرنگ کا تبادلہ ہوا،جس کے دوران سکیورٹی اہلکاروں نے دہشت گردوں کے ٹھکانے کو موثر انداز میں نشانہ بنایا۔

فائرنگ کے تبادلے میں 5 دہشت گرد مارے گئے، ہلاک دہشت گردوں سے اسلحہ اور گولہ بارود بھی برآمد کر لیا گیا۔

شمالی وزیرستان میں مارے گئے دہشت گرد سیکورٹی فورسز کے خلاف دہشت گردی کی کارروائیوں اور بے گناہ شہریوں کے قتل میں ملوث تھے۔

فائرنگ کے شدید تبادلے کے دوران جنوبی وزیرستان کے25 سالی سپاہی ناصر خان بہادری سے لڑتے ہوئے شہید ہوگئے، علاقے سے ممکنہ دہشت گردوں کے مکمل خاتمے کیلئے سرچ اپریشن بھی کیا گیا۔