فائل :فوٹو
اسلام آباد:اسلام آباد ہائی کورٹ نے تحریک انصاف کے رہنماء شہباز گل کی درخواست ضمانت پر فریقین کو نوٹس جاری کردئیے۔
اسلام آباد ہائی کورٹ کے چیف جسٹس اطہر من اللہ نے شہباز گل کی درخواست ضمانت کی سماعت کی۔
عدالت نے شہباز گل کی درخواست پر ایس ایچ او کوہسار اور سٹی مجسٹریٹ کونوٹس جاری کردئیے۔
درخواست گزار کے وکلا نے موقف اختیار کیا کہ 9 اگست کو تھانہ کوہسار پولیس نے شہبازگل کو گرفتار کیا۔ پمز کے سینیئر ڈاکٹرز پر مشتمل میڈیکل بورڈ نے 17 اگست کو شہباز گل کا معائنہ کیا۔
شہباز گل کے وکلا نے عدالت سے استدعا کی کہ اڈیالہ جیل اور پمز کے میڈیکل بورڈ کے مطابق شہباز گل پر تشدد کے شواہد ملے ہیں۔عدالت کیس کے حتمی فیصلے تک ضمانت بعد از گرفتاری منظور کرے۔
Comments are closed.