وفاقی حکومت کی قانونی ٹیم میں بڑی تبدیلیاں، 127 نئی تقرریاں

فائل فوٹو

اسلام آباد: وفاقی حکومت کی قانونی ٹیم میں بڑی تبدیلیاں، 127 نئی تقرریاں کی گئی ہیں جبکہ 118 سرکاری وکلا کو عہدوں سے ہٹا دیا گیا ہے۔

وفاقی حکومت نے ایڈیشنل اٹارنی جنرلز سہیل محمود، ساجد الیاس بھٹی کو عہدوں سے ہٹا دیا۔ قاسم ودود، نایاب گردیزی، طیب شاہ، اشتیاق مہربان ، طارق کھوکھر، راشد حنیف اور فرخ ڈال کو بھی عہدوں سے فارغ کردیا گیا ہے۔

وفاقی حکومت کی جانب سے منور دْگل، حسن نواز مخدوم، راشدین نواز کو ایڈیشنل اٹارنی جنرل تعینات کیا گیا ہے۔

اس کے علاوہ اسلام آباد میں 20، راولپنڈی میں 13 نئی تقرریاں بھی کی گئی ہیں لاہور میں 31، ملتان میں 9، بہاولپور میں 5، کراچی میں 16، کوئٹہ میں 7 وکلا کی خدمات وفاقی حکومت نے حاصل کر لی ہیں۔

تمام سرکاری وکلا عدالتوں میں وفاقی حکومت اور اداروں کی نمائندگی کریں گے۔