اسلام آباد(زمینی حقائق ڈاٹ کام )عمران خان نے اپنے پرستار بچے ابوبکرکی دیرینہ خواہش پوری کردی، گلے لگا لیا، بچہ قائد کو سامنے دیکھ کر جذبات پر قابو نہ پا سکا اور آنسو بہاتا رہا۔
کپتان سے جذباتی وابستگی کے مناظر بنی گالہ میں نظر آئے جب خیبرپختون خوا کے ضلع لکی مروت سے تعلق رکھنے والے لڑکے ابوبکر نے بنی گالہ میں تحریک انصاف کے چیئرمین عمران خان سے ملاقات کرلی۔
نوعمر پرستار ابوبکر عمران خان سے ملاقات کے لیے ایبٹ آباد جلسے میں آیا تھا، تاہم اس کی عمران خان سے ملاقات نہ ہوسکی تھی، جس پر وہ زار وقطار رویا اور اس کی ویڈیو وائرل ہوگئی تھی۔
محمد ابوبکر خان مروت لکی مروت سے ایبٹ آباد جلسہ میں شرکت کے لیے خصوصی طور پر آیا تھا۔ بنی گالہ میں عمران خان نے اسکے جذبہ کو دیکھتے ہوئے بلایا اور عمران خان صاحب سے ملاقات اور آٹو گراف کے بعد اس کی خوشی قابل دیدنی ہے- #امپورٹڈ__حکومت__نامنظور pic.twitter.com/2uFACZLR4v
— PTI (@PTIofficial) May 12, 2022
ویڈیو وائرل ہونے کے بعد مقامی قیادت نے ابوبکر کی عمران خان سے ملاقات کرادی، اس موقع پر ابوبکر نے عمران خان کو انگوٹھی تحفے میں دی، اور اپنی قمیض پر عمران خان کا آٹو گراف بھی لیا۔
پی ٹی آئی کے چیئرمین عمران خان نے نویں جماعت کے طالب علم ابو بکر کی دیرینہ خواہش پوری کرتے ہوئے اسے ملاقات کے لیے بنی گالہ بلا یا تھا اور ملاقات میں اس کی حوصلہ افزائی کی۔
عمران خان نے بچے کے جذبے کو دیکھتے ہوئے اسے بنی گالہ میں بلالیا، بچہ چیئرمین پی ٹی آئی سے ملاقات کرکے بہت خوش ہوا، اس نے عمران خان سے آٹو گراف بھی لیا۔
Comments are closed.