امریکی وزیر خارجہ انٹونی بلنکن کا بلاول کو فون

اسلام آباد(زمینی حقائق ڈاٹ کام) امریکی وزیر خارجہ انٹونی بلنکن کا بلاول کو فون،عہدہ سنبھالنے پرمبارکباد دی ،ٹیلی فونک رابطہ دو طرفہ تعلقات پر تبادلہ خیال کیا۔

وزیر خارجہ بلاول بھٹو زرداری نے سماجی رابطے کی ویب سائٹ ٹوئٹر پر امریکی وزیر خارجہ کے فون کی تصدیق کی ہے۔

بلاول بھٹو کی طرف سے بتایا گیا کہ امریکی وزیر خارجہ انٹونی بلنکن کی طرف سے کال موصول ہوئی، عہدہ سنبھالنے پر مبارک باد دینے پر بلنکن کا شکر گزار ہوں۔

🇵🇰 FM @BBhuttoZardari received a felicitation call from 🇺🇸@SecBlinken

Exchanged views on:

➖Strengthening mutually beneficial, broadbased relationship
➖Promotion of peace,development & security

📌 Agreed that engagement with mutual respect is the way forward.

🇺🇸🤝🇵🇰 pic.twitter.com/MlKIlGd7uv

— Spokesperson 🇵🇰 MoFA (@ForeignOfficePk) May 6, 2022

بات چیت میں باہمی دلچسبی اور وسیع البنیاد تعلقات کی مضبوطی پر تبادلہ خیال کیا گیا، امن، ترقی اور سلامتی کے فروغ پر بات چیت ہوئی، اتفاق کیا کہ باہمی احترام پر مبنی تعلقات ہی آگے بڑھنے کا راستہ ہے.

اے آر وائی نیوز کے مطابق امریکی وزیر خارجہ انتونی بلنکن نے بلاول بھٹو زرداری کو وزارت خارجہ کا عہدہ سنبھالنے پر مبارکباد پیش کی۔

واضح رہے کہ بلاول بھٹو کے وزیر خارجہ بننے کے بعد سے امریکی ہم منصب کی جانب سے یہ پہلا رابطہ ہے۔