فوٹو: ٹوئٹر
ابوظہبی( زمینی حقائق ڈاٹ کام)وزیراعظم شہباز شریف کی ابوظہبی کے ولی عہد شیخ محمد بن زید النہیان سے ملاقات، دو طرفہ تعلقات ، باہمی دلچسبی کے امور اور عالمی و علاقائی صورتحال پر تبادلہ خیال کیا گیا۔
وزیر اعظم شہباز شریف سعودی عرب کا تین روزہ دورہ مکمل کرنے کے بعد وفد کے ہمراہ متحدہ عرب امارات کے ایک روزہ دورے پر ابوظہبی پہنچے جہاں ائر پورٹ پر یو اے ای کے وزیر انصاف عبداللہ بن سلطان النعیمی نے وزیراعظم اور ان کے وفد کا استقبال کیا۔
بعد میں وزیراعظم شہباز شریف کے ابوظہبی میں شاہی محل قصر الشاطی پہنچنے پر ابوظہبی کے ولی عہد نے وزیراعظم کا استقبال کیا ، بعد ازاں وزیر اعظم شہباز شریف اور شیخ محمد بن زید النہیان کی ملاقات ہوئی۔
Leading a high-powered delegation, Prime Minister Shehbaz Sharif has reached Abu Dhabi on a day-long visit of the United Arab Emirates. UAE Minister for Justice Abdullah bin Sultan Al-Nuaimi received the PM and the members of his delegation at the airport. pic.twitter.com/5o5CWqv7vU
— Prime Minister’s Office (@PakPMO) April 30, 2022
ذرائع کے مطابق ملاقات میں پاکستانی وفد میں شامل وزیر خارجہ بلاول بھٹوزرداری کے علاوہ اسعد محمود ، خالد مقبول صدیقی، مریم اورنگزیب ، شاہ زین بگٹی اور محسن داوڑ بھی شریک ہوئے۔
ذرائع کے مطابق ملاقات میں باہمی دلچسبی کے امور پر تبادلہ خیال کیا گیا، وزیراعظم نے دونوں بردار اسلامی ممالک میں تعلقات کو مزید فروغ دینے اور تجارتی حجم بڑھانے کے ساتھ ساتھ مسلسل رابطوں پر اتفاق کیاگیا۔
وزیراعظم شہباز شریف نے ہفتہ کو مکہ سعودی عرب میں بھی مصروف دن گزارا، انھوں نے وفد کے ہمراہ عمراہ ادائیگی کی سعادت حاصل کی ، اس موقع پر ان کیلئے خانہ کعبہ کے دروازے خصوصی طور پر کھولے گئے۔
شہبازشریف سے او آئی سی کے سیکرٹری جنرل حسین ابراہیم طحہٰ نے وفد کے ہمراہ ملاقات کی ، اس موقع پر کشمیر ، فلسطین کی صورتحال پر گفتگو کی گئی ، وزیراعظم نے مسلہ کشمیر اقوام متحدہ کی قراردادوں اور کشمیری عوام کی امنگوں کے مطابق حل کرنے پر زور دیا۔
The OIC Secretary General, Mr. Hissein Brahim Taha, called on PM Shehbaz Sharif in Makkah-tul-Mukarrama.
PM affirmed his government’s commitment to promoting the interests of Muslim Ummah as a cornerstone of Pakistan’s foreign policy.#PakKSAVisit #PMShehbazInKSA pic.twitter.com/yrAcU1OEA3— Prime Minister’s Office (@PakPMO) April 30, 2022
ملاقات میں اسلامی فوبیا کے خلاف امت مسلمہ کے مربوط کردار کی اہمیت پر زور دیا گیا، اس موقع پر شہباز شریف نے سیکرٹری جنرل او آئی سی کو دورہ پاکستان کی دعوت دی جو انھوں نے قبول کرلی۔
ذرائع کے مطابق سعودی عرب سے مالی امداد کے حوالے سے بھی بات چیت ہوئی ہے جس کا آج ہی اعلان متوقع ہے ، اس کی تفصیلا ت وزیرخزانہ مفتاح اسماعیل کی طرف سے بتائی جائے گی۔
Comments are closed.