فوٹو: ملالہ ٹوئٹر
ملالہ یوسفزئی نے برطانیہ میں نکاح کر لیا، پر جوش ہوں، نکاح کے بعد بیان
اسلام آباد( ویب ڈیسک) سوات پاکستان سے تعلق رکھنے والی نوبیل انعام یافتہ ملالہ یوسفزئی نے عملی زندگی میں قدم رکھ لیا ہے اور وہ نکاح کے بندھن میں بندھ گئی ہیں۔
ملالہ یوسفزئی کا نکاح پاکستان کرکٹ بورڈ کے ایک افسر سے ہوا ہے نکاح کی تقریب برمنگھم برطانیہ کے گھر میں ہوئی جس میں دونوں خاندانوں کے افراد نے شرکت کی۔
ملالہ نے اپنے نکاح کی تصاویر سوشل میڈیا پر شیئر کردیں اور کہا کہ آج میری زندگی کا ایک قیمتی دن ہے، عصر اور میں جیون ساتھی بن گئے ہیں،ان کا کہنا ہے کہ ہمارے نکاح کی تقریب برمنگھم کے گھر میں ہوئی ہے ۔
Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP— Malala (@Malala) November 9, 2021
ملالہ یوسفزئی نے کہا ہم دونوں اپنی آئندہ زندگی میں سفر کیلئے پرجوش ہیں انھوں دنیا بھر میں اپنے چاہنے والوں سے کہا ہے کہ ہمیں آپ سب کی دعاؤں کی ضرورت ہے ۔
میڈیا رپورٹس کے مطابق ملالہ یوسفزئی کے شوہر عصر ملک پی سی بی میں جنرل منیجر آپریشنز ہیں، عصر ملک نے دو سال پہلے پاکستان کرکٹ بورڈ جوائن کیا تھا۔
رپورٹس کے مطابق عصرملک لاہور یونیورسٹی آف مینجمنٹ سائنسز (لمس) کے گریجویٹ ہیں اور ان کا شمار پی سی بی کے قابل افسران میں ہوتا ہے، عصر ملک پی ایس ایل فرنچائز ملتان سلطانز میں بھی جنرل منیجر آپریشنز رہ چکے ہیں۔
Comments are closed.