اسلام آباد( سپورٹس ڈیسک)افغانستان کرکٹ ٹیم کے کپتان محمد نبی نے اسکاٹ لینڈ سے میچ جیتنے کے بعد پریس کانفرنس میں صحافیوں خوب ہنسایا، بولے زرا جلد ی کرنا 5منٹ میں میری انگریزی ختم ہو جائے گی۔
افغان کرکٹ ٹیم کے کپتان مسکراتے ہوئے پریس کانفرنس میں آئے اور بیٹھتے ہی بولے ۔یار یہ سب سے مشکل کام ہے، پانچ منٹ ہیں آپ لوگ کتنے سوال کرو گے؟
محمد نبی کا یہ مزاحیہ جملہ سوشل میڈیا پر خوب وائرل ہورہاہے اور سب اسے خوب انجوائے کررہے ہیں،محمد نبی کرکٹ گیم میں تو زبر دست اور لاجواب کارکردگی دکھاتے ہیں لیکن انگریزی میں پھنس جاتے ہیں۔
میچ کے اختتام پر افغانستان کے کپتان محمد نبی نے پریس کانفرنس کی جس کا ایک کلپ سوشل میڈیا پر وائرل ہورہا ہے، اس دوران ایسا جملہ کہہ دیا جس سے وہاں موجود تمام لوگ ہنس پڑے۔
"5 mint main meri English Khatam hojye gi”😂#T20WorldCup2021 pic.twitter.com/ugbmHFLeL4
— Abdul Wahab (@abdulwahabdr02) October 26, 2021
انہوں نے پریس کانفرنس کے لئے بیٹھتے ہی کہا سب سے مشکل کام ہے یہ۔ پھرانہوں نے رپورٹرز سے سوال کیا کہ کتنے سوالات ہیں؟ 5 منٹ میں میری انگریزی ختم ہوجائے گی۔
واضح رہے کہ محمد نبی راشد خان کی جانب سے کپتانی سے دستبردار ہونے کے بعد ٹیم کے کپتان بنائے گئے تھے اورافغانستان کی ٹیم سپر 12 میں پاکستان اور بھارت کے ساتھ گروپ 2 میں موجود ہے، پاکستان اور افغانستان 29 اکتوبر کو دبئی میں ٹکرائیں گی۔
Comments are closed.