شادی کے دن دلہا دلہن نے ایک دوسرے پر تھپڑ اور گھوسے برسا دئیے ،ویڈیووائرل

فوٹو:سوشل میڈیا

نئی دہلی: بھارت میں شادی کے عین موقع پر دلہا دلہن نے ایک دوسرے پر تھپڑ اور گھوسوں کی بارش کردی ۔ دلچسپ ویڈیو سوشل میڈیا پر وائرل ہوگئی۔

شادی کے دوران دلہا اور دلہن میں لڑائی نوشہ کی جانب سے دلہن کو زبردستی مٹھائی کھلانے کے باعث شروع ہوئی جو دیکھتے ہی دیکھتے تھپڑوں اور گھوسوں میں تبدیل ہوگئی۔

شادی کے دوران دلہا دلہن میں تصادم کی ویڈیو سماجی رابطے کی ویب سائٹ ٹوئٹر پر شیئر کی گئی جسے اب تک 76 ہزار سے زائد صارفین دیکھ چکے ہیں۔

Kalesh B/w Husband and Wife in marriage ceremony pic.twitter.com/bjypxtJzjt

— Ghar Ke Kalesh (@gharkekalesh) December 13, 2022

جھگڑے کا آغاز دلہا کی جانب جبری طور پر مٹھائی کھلانے سے ہوا، جب دلہن نے پریشان ہوکر دلہا کے منہ پر زور دار تھپڑ دے مارا، بعدازاں دلہا نے غصے میں آکر دلہن کے چہرے پر تھپڑوں کی بارش کردی۔

بات یہاں ختم نہیں ہوئی، دیکھتے ہی دیکھتے دونوں ایک دوسرے چہرے پر گھوسے مارنا اور بال نوچنا شروع کردئیے، جسے دیکھ کر ایسا لگ رہا تھا جیسے شادی نہیں بلکہ ڈبلیو ڈبلیو ای کا مقابلہ ہورہا ہو۔