فوٹو: وزیراعظم آفس
ثمرقند: وزیراعظم شہبازشریف کی ازبک صدر سے ملاقات، وفود مزاکرات، خضر کمپلیکس دورہ کیا ہے جب کہ اس سے قبل ایس سی او سربراہمی اجلاس میں شرکت کیلئے وفد کے ہمرا ہ ثمر قند پہنچنے پر ائرپورٹ پر ان کا استقبال وزیراعظم ازبکستان عبداللہ آریوف نے کیا۔
اس موقع پر، وزیر برائے پبلک ایجوکیشن ازبکستان بختیار سائیدوف، گورنر سمرقند ارکنجون تردیموف، نائب وزیر خارجہ ازبکستان غیرت فوزیلوف، پاکستان میں ازبک سفیر ایبک عارف عثمانوف اور اعلی حکام بھی موجود تھے۔
Prime Minister Muhammad Shehbaz Sharif in a meeting with the President of Uzbekistan, H.E Shavkat Mirziyoyev in Samarqand, Uzbekistan pic.twitter.com/AoNp3yxSO5
— Prime Minister’s Office (@PakPMO) September 15, 2022
ازبکستان پہنچنے کے بعد وزیراعظم شہباز شریف نے سمر قند میں خضر کمپلیکس کا دورہ کیا، ازبکستان کے بانی رہنما اسلام کریموف کے مزار پر حاضری بھی دی،شنگھائی تعاون تنظیم کے سربراہی اجلاس میں شرکت کریں گے۔
وزیراعظم شہبازشریف نے ازبک صدرایچ ای شوکت مرزیوئیف سے ملاقات بھی جس میں باہمی دلچسبی کے امور، تجارت اور دیگر علاقائی و عالمی امور پر بات چیت کی گئی۔
دونوں ممالک کے درمیان کانفرنس سینٹر میں وفود کی سطح پر بھی دوطرفہ مزاکرات ہوئے جس میں وزیرخارجہ بلاول بھٹو زرداری، وزیر خزانہ مفتاح اسماعیل اور وزیر دفاع خواجہ آصف سمیت حکام بھی شریک ہوئے۔
وزیر اعظم شہباز شریف نے دورے پر روانگی سے قبل ٹوئٹر پر بیان میں کہا کہ شنگھائی تعاون تنظیم اجلاس کے لیے ازبکستان روانہ ہو رہا ہوں، عالمی اقتصادی بحران نے رکن ممالک کے درمیان مزید تعاون کی ضرورت کو جنم دیا۔
— Prime Minister’s Office (@PakPMO) September 15, 2022
شبہاز شریف کا کہنا تھا کہ ایس سی او کا ویژن دنیا کی 40 فیصد آبادی کی امنگوں کی نمائندگی کرتا ہے، پاکستان شنگھائی سپرٹ کے لیے اپنے عزم کا اعادہ کرتا ہے۔
شہباز شریف نے کہا ہے کہ باہمی احترام اور اعتماد مشترکہ ترقی اور خوشحالی کی بنیاد ہو سکتا ہے، شنگھائی تعاون تنظیم کے پاس صلاحیت ہے کہ وہ آگے بڑھنے کا راستہ نکالے۔
Comments are closed.