نیشنل

عمران خان کی ممکنہ گرفتاری، بنی گالہ،شہر شہرہزاروں کارکنوں کے رات بھر جلسے جلوس

By admin

فوٹو: اسکرین گریب

اسلام آباد: چیئرمین تحریک انصاف عمران خان کی ممکنہ گرفتاری، بنی گالہ،شہر شہرہزاروں کارکنوں کے رات بھر جلسے جلوس،صبح ہونے تک پی ٹی آئی کارکنوں کی بنی گالہ آمدکا سلسلہ جاری ہے۔

اس سے قبل پاکستان تحریک انصاف کے سربراہ عمران خان کے خلاف انسداد دہشت گردی ایکٹ کے خلاف ایف آئی آر کی گئی جس کے بعد متوقع گرفتاری کے پیش نظر پارٹی کارکنان کی بڑی تعداد رات گئے بنی گالہ پہنچ گئی ۔

http://

عمران خان چوک بنی گالہ میں ہزاروں کا مجمہ رات بھر جمع اور نعرہ بازی کرتا رہا جب کہ پی ٹی آئی کے رہنما عمران خان گھر کے قریب ساری رات سڑک پر بیٹھے رہے۔

بنی گالہ میں اسد عمر، فواد چوہدری، پرویز خٹک، اسد عمر، مراد سعید ، بشارت راجہ ، سیف اللہ نیازی ، سینیٹر فیصل جاوید سمیت متعد د رہنما وں نے سڑک پر بیٹھ کر رات گزاری اور گرفتاری کیلئے پولیس نہ آسکی۔

http://

اسلام آباد کے علاوہ پشاور، لبرٹی چوک لاہور، کراچی ، فیصل آباد، سیالکوٹ، ملتان سمیت متعدد شہروں میں پی ٹی آئی کے ہزاروں حامی رات بھر خواتین اور بچوں سمیت سڑکوں پر صبح تک موجود ہیں۔

کارکنان نے عمران خان کی گرفتاری کے خلاف نعرے لگاتے ہوئے ان کی سکیورٹی کے لیے بنی گالہ کے باہر ڈیرے ڈال دیے ہیں۔ لاہور اور دیگر شہروں میں بھی کارکن گھروں سے باہر نکل آئے۔

http://

دوسری جانب پاکستان تحریک انصاف کی مرکزی قیادت کا ہنگامی آن لائن اجلاس بھی ہوا جس میں عمران خان کی ممکنہ گرفتاری یا کوشش کی صورت میں پارٹی کی حکمت عملی طے کی گئی۔

http://

تحریک انصاف کے وائس چیئرمین شاہ محمود قریشی، سیکرٹری جنرل اسد عمر، فواد چوہدری ، مراد سعید نے اپنے خطاب اور پیغامات میں واضح کیا ہے کہ عمران خان کی گرفتاری ریڈ لائن ہے اس کے بعد نتائج کے ذمہ داری وزیراعظم شہباز شریف ہوں گے۔

عمران خان کے اسلام آباد میں جلسہ میں سرکاری افسران کے خلاف قانونی کارروائی کی دھمکی دینے پر ان کے خلاف اسلام آباد کے تھانہ مارگلہ میں مقدمہ درج کیا گیا ہے جسے تحریک انصاف نے عدالت میں چیلنج کرنے کا بھی اعلان کررکھا ہے۔

http://

رات پولیس وین بنی گالہ چوک تک پہنچی تاہم کارکنوں کی نعرہ بازی کے باعث واپس چلے گئے ، اس کے باوجود مراد سعید کی طرف سے صبح ویڈبو بیان میں کارکنوں کو بنی گالہ پہنچنے کی کال دی گئی ہے۔

admin 11758 posts 0 comments
You might also like More from author

Comments are closed.