فائل: فوٹو
راولپنڈی: بلوچستان کے علاقے ہرنائی میں سیکیورٹی فورسز کی چوکی پر حملے میں پاک فوج کے دو جوان شہید اور میجر زخمی ہوگئے۔
آئی ایس پی آر کے مطابق دہشت گردوں نے بلوچستان میں ہرنائی کے قریب خوست میں سیکیورٹی فورسز کی چوکی پر حملہ کیا جواب میں سیکیورٹی فورسز نے دہشت گردوں کو پسا کرکے ان کا تعاقب جاری رکھا اور پہاڑوں میں گھیراؤ کے دوران بھی دہشت گردوں سے فائرنگ کا تبادلہ ہوا۔
آئی ایس پی آر کاکہناہے ہے کہ جھڑپ کے دوران پاک فوج کے دو جوان نائیک عاطف اور سپاہی قیوم نے جام شہادت نوش کیا جبکہ میجر عمر دہشت گردوں سے جوان مردی کے ساتھ مقابلہ کرتے ہوئے زخمی ہوگئے۔
آئی ایس پی آر نے مزید کہا ہے کہ 75 ویں یوم آزادی کے موقع پر سیکیورٹی فورسز، قوم کے ساتھ مل کر بلوچستان کے امن، استحکام اور ترقی کو سبوتاژ کرنے کوششوں کو ناکام بنانے میں پرعزم ہیں۔
Comments are closed.