یوم آزادی کے موقع پر قیدیوں کی سزاوٴں میں کمی کا اعلان

اسلام آباد: صدر مملکت ڈاکٹر عارف علوی نے یوم آزادی کے موقع پر قیدیوں کی سزاوٴں میں کمی کا اعلان کر دیا۔

آئین کے آرٹیکل 45 کے تحت جیلوں میں موجود قیدیوں کی سزاوٴں میں پانچویں حصے کی کمی کی جائے گی۔ 65 سال یا اس سے زائد عمر کے مرد قیدی جو 15 سال سے زیادہ قید کاٹ چکے ہیں ، اْن کیلئے بقیہ سزا میں مکمل چھوٹ کا اعلان ہے۔

60 سال یا اس سے زائد عمر کی خواتین جو 10 سال یا اس سے زیادہ قید کاٹ چکی ہیں انہیں بھی بقیہ سزا میں مکمل چھوٹ دی گئی ہے۔

قید کی سزا کا تین چوتھائی حصہ کاٹنے والے قیدیوں اور 20 سال قید مکمل کرنے والے قیدیوں کی سزا میں بھی مکمل چھوٹ کا اعلان کیا گیا ہے۔

سزاوٴں میں کمی کا اطلاق سزائے موت، جاسوسی، گینگ ریپ، بینک ڈکیتی، ریاست مخالف سرگرمیوں، زنا، اغوا اور ڈکیتی کے مجرموں پر نہیں ہوگا۔