لیگی امید وار کی انتخابی میٹنگ میں شرکاء کو پیسے دینے کی پیشکش، ویڈیو وائرل

فوٹو: اسکرین گریب

راولپنڈی: لیگی امید وار کی انتخابی میٹنگ میں شرکاء کو پیسے دینے کی پیشکش، ویڈیو وائرل ہوگئی،پنجاب میں صوبائی اسمبلی کی نشست پر ضمنی انتخابات میں مسلم لیگ ن کے رہنماء نے ووٹرز کو پیسوں کی پیشکش کی۔

راجہ صغیر احمدحلقہ پی پی 7سے مسلم لیگ ن کے امیدوار ہیں اور وہ انتخابی مہم کے سلسلہ میں ایک کارنر میٹنگ سے خطاب کررہے تھے اس دوران انھوں نے ووٹرز کو پیسوں کی آفر دینے کی ویڈیو سوشل میڈیا پر وائرل ہورہی ہے۔

وائرل ہونے والی ویڈیو واضح سنا جا سکتا ہے اور مسلم لیگ ن کے امیدوار راجہ صغیر کی جانب سے ووٹرز کو آفر و یقین دہانی کراتے سمیت دیکھا جاسکتا ہے۔

http://

Pmln
کے امیدوار برائے صوبائی اسمبلی حلقہ پی پی7راجہ صغیر احمد الیکشن مہم میں یہ کیا کہہ رھے ہیں
جتنی دیر آپ بیٹھے ہیں اتنے ہی آپ کو پیسے دوں گا۔
منتخب ہوکر نہیں ،میں کہتا ہوں میں پہلے پیسے دے کے جاؤں گا،گھبرائیں نہیں۔ ووٹ بعد میں لوں گا۔@ECP_Pakistan@SSDOPakistan@RajaAajtv pic.twitter.com/VMhzEvaUeP

— Saleh Mughal (@SalehMughal) July 6, 2022

لیگی امیدوار کا کہنا تھا کہ ووٹرز جتنی دیر یہاں بیٹھے ہیں اتنے ہی آپ کو پیسے دوں گا، سب کہتے ہیں راجہ صاحب منتخب ہوکے پیسے دیں گے؟ میں کہتا ہوں میں پہلے پیسے دوں گا گھبرائیں نہیں، ووٹ کی باری بعد میں آئے گی۔

لیگی رہنماء کی جانب سے تقریر میں آفر و یقین دہانی سن کر شرکاء کو تالیاں مار کران کے حق میں نعرے لگاتے بھی سنا جاسکتا ہے شرکا امید وار کے حق میں نعرہ بازی کرتے ہیں۔

اس حوالے سے ایکسپریس نیوز کی رپورٹ کے مطابق ویڈیو کے منظر عام پر آنے کے بعد راجہ صغیر کا موقف معلوم کرنے کے لیے رابطے کی کوشش کی گی تو رابطہ ممکن نہ ہوسکا۔