لیگی رہنما جلسہ سے خطاب کرکے بیٹھا اور فوت ہوگیا، ویڈیو

راولپنڈی: کلر سیداں میں لیگی رہنما جلسہ سے خطاب کرکے بیٹھا اور فوت ہوگیا، ویڈیو میں سارا منظر نمایاں ہے یہ المناک واقعہ ضمنی الیکشن کی انتخابی مہم کے دوران پیش آیا.

سابق چئیرمین بلدیہ کلر سیداں شیخ عبدالقدوس پی پی 7 راولپنڈی میں ن لیگ کے امیدوار راجہ صغیر کے انتخابی جلسے میں خطاب کے بعد کرسی پر بیٹھے تھے.

عبدالقدوس دل کا دورہ پڑنے سے انتقال سے قبل موقع پر موجود لوگوں سے مسلم لیگ ن کو ووٹ دینے پر قائل کر رہے تھے تقریر کرکے پیچھے بیٹھے پانی مانگا مگر پینا نصیب نہ ہوا.

پنجاب اسمبلی کے حلقہ پی پی 7 راولپنڈی میں مسلم لیگ ن کے انتخابی جلسے سے خطاب کے بعد سابق چئیرمین بلدیہ کلر سیداں شیخ عبدالقدوس اسٹیج پر ہی دل کا دورہ پڑنے کے باعث انتقال کرگئے۔ pic.twitter.com/WXzmmBSYr7

— Shabbir Dar (@dar_shabbir) June 24, 2022

ویڈیو میں دیکھا جا سکتا ہے کہ شیخ عبدالقدوس جلسے سے خطاب کے بعد بیٹھے تو دل کا دورہ پڑ گیا اور وہ بے ہوش ہو گئے جنہیں فوری طور پر اسپتال منتقل کیا گیا تاہم وہ جانبر نہ ہو سکے۔

شیخ عبدالقدوس ن لیگ کے امیدوار راجہ صغیر احمد کے انتخابی جلسے میں خطاب کر رہے تھے بعد سٹیج سیکرٹری لوگوں کو کھانا کھا کر جانے کی تاکید کر رہے تھے کہ خطاب کرکے بیٹھنے والے کو دل کا دورہ پڑ گیا۔