لاہور ہائیکورٹ میں وکیل کی غنڈہ گردی، کاپی براچ کے شیشے توڑ دیئے

لاہور(زمینی حقائق ڈاٹ کام) لاہور ہائیکورٹ کی کاپی برانچ میں مقامی وکیل کی غنڈہ گردی، کاپی تاخیر سے ملنے پر کاپی برانچ کے شیشے توڑ دیے.

ایڈووکیٹ ماجد جہانگیر ایک فوٹو کاپی تاخیر سے ملنے پر سیخ پا تھا جو فوری کہیں سے ڈھانگ اٹھا کر لے آیا اور ڈیوٹی پر موجود اہلکار کو دھمکا کر باہر بھیج دیا.

ماجد جہانگیر نے پھر ہاتھ میں پکڑے ڈھانگ نما ڈنڈے سے کاپی برانچ پر حملہ کیا اور نئی تعمیر شدہ کاپی برانچ کے ڈیسک پر لگے تمام سارے شیشے توڑ دیئے.

کل ہی سپریم کورٹ اور لاہور ہائیکورٹ کے چیف جسٹس صاحبان وکلاء کواچھے برتاؤ کی تلقین کررہے تھے۔ ہمارے ملک کی بدقسمتی ہے کہ ان وکیل صاحب کے خلاف بھی کوئی ایکشن نہیں ہوگا pic.twitter.com/4ypk5TFUQ5

— Muhammad Bilal (@Bilal81) October 6, 2021

واردات کے بعد مزکورہ وکیل دھمکیاں دیتا اور اونچا اونچا بولتے ہوئے فلمی اسٹائل میں جائے وقوعہ سے چلا گیا تاہم پولیس نے بعد میں اس کے خلاف مقدمہ درج کر کے گرفتار کر لیا.

بعد میں ہائیکورٹ کی سیکورٹی جائے وقوعہ پر پہنچ گئی تاہم اس دوران وکیل کاپی برانچ کے کاؤنٹر کے تمام شیشے توڑ کر جا چکا تھا اور موقع پر موجود سٹاف نے تفصیلات بتائی.

لاہور ہائیکورٹ سیکورٹی نے ایڈووکیٹ ماجد جہانگیر کو گرفتار کرلیا، ملزم ایڈووکیٹ کے خلاف کارروائی کرتے ہوئے انسدادِ دہشت گردی کی دفعات کے تحت پرچہ درج کروا دیا گیا.

دوسری طرف پنجاب بار کونسل نے لاہور ہائیکورٹ میں توڑ پھوڑ کرنے والے وکیل کا لائسنس مستقل منسوخ کر دیا، یہ فیصلہ پنجاب بار کونسل کے وائس چیئرمین کی سربراہی میں اجلاس میں کیا گیا.