اسلام آباد(زمینی حقائق ڈاٹ کام) گزشتہ رات 3بجے کے قریب اسلام آباد کے صحافیوں میں بارش و ژالہ باری کی خبر دینے کا سوشل میڈیا پر مقابلہ شروع ہوا تو سابق فاسٹ باولر شعیب اختر بھی اس کا حصہ بن گئے۔
سابق فاسٹ بولر شعیب اختر بھی گزشتہ رات 3بجے کے قریب شروع ہونے والی بارش اور ژالہ باری سوشل میڈیا پر شیئر کرنے کے مقابلہ میں شریک ہو گئے، وفاقی دارالحکومت کے صحافی رات3بجے بھی بارش کی خبر دیئے بغیر سو نہ سکے۔
Never witnessed such craziness before. #hailstorm #Islamabad pic.twitter.com/KwyJ5ng8Ph
— Shoaib Akhtar (@shoaib100mph) June 12, 2021
قومی ٹیم کے سابق فاسٹ باولرشعیب اختر نے ایک ویڈیو شیئر کی جس میں وہ اپنے گھر کے پارکنگ ایریا میں موجود ہیں تیز آندھی کے ساتھ بارش اور ژالہ باری کے مناظر دکھا رہے ہیں۔
شعیب اختر نے ژالہ باری دیکھ کر کہ آپ دیکھ سکتے ہیں یہاں کس قدر تیز بارش اور ژالہ باری ہورہی ہے، ان کا کہنا تھا میں نے اس سے پہلے کبھی اسلام آباد میں اس طرح کی بارش نہیں دیکھی۔
گمان غالب تھا کہ رات3بجے لوگ سو چکے ہوں گے لیکن بارش شروع ہوتے ہی سوشل میڈیا پر صحافیوں نے اپنے جاگتے ہونے کے ثبوت کیلئے بارش ہونے کی مختلف طرح سے گواہیا ں دینا شروع کردیں۔
تو بارش ہوگئی اسلام آباد والو ! اب لاھور اور کراچی سے مت کہنا کہ تم لوگ گرمی اسمگل کرتے ہو ۔۔۔۔
— Nasir Baig Chughtai (@i_m_nbc) June 12, 2021
سینئر صحافی محسن رضا نے رات2بجکر 37منٹ پر بارش اور جاگتے ہونے کی خبر دی، ادھر ایک اور سینئر صحافی ناصر بیگ چغتائی نے اسلام آباد میں بارش کا سٹیٹس اپ ڈیٹ کرتے ہوئے لکھا اب کراچی اور لاہور پر گرمی اسمگل کرنے کا الزام نہ لگانا۔
بیدار مغز اور ہر وقت چوکس رہنے والے سینئر صحافی سبوخ سید نے رات3بجکر15منٹ پر بارش شروع ہونے کی اطلاع دیتے ہوئے کہا کہ بارش نے تو ، تراہ ،نکال دیاہے۔
گرد و غبار ، طوفان کے باد و باراں
— Sabookh Syed | سبوخ سید (@SaboohSyed) June 12, 2021
موسم خوشگوار ہو گیا ہے تاہم شروع میں جو “تراہ “ نکالا ہے ، وہ لکھا نہیں جا سکتا ۔ pic.twitter.com/ynAhyarEi4
ہر پل نئی خبر لئے حاضر رہنے والے رپورٹر فہیم اختر کہاں خاموش رہ سکتے تھے ۔ بو لے ،اسلام آباد راولپنڈی میں تیز بارش اور اولے بجلی کی شدید گرج اور چمک ساتھ تیز رفتار آندھی۔۔ یا اللہ خیر۔
اسلام آباد راولپنڈی میں تیز بارش اور اولے بجلی کی شدید گرج اور چمک ساتھ تیز رفتار آندھی۔۔ یا اللہ خیر
— Fahim Akhtar (@writetofahim) June 12, 2021
سینئر رپورٹر بلال ڈار نے بارش شروع ہونے کے ساتھ ہی بتایا کہ وہ بھی جاگ رہے ہیں۔ ایک خاتون رپورٹر مونا خان نے گرج چمک سے ڈرتے ڈرتے کمرے کے اندر سے ہی باہر بارش کا منظر دکھانا چاہا لیکن ناکام رہیں۔
https://twitter.com/mona_qau/status/1403831878914695171?s=19واضح رہے کہ گزشتہ رات وفاقی دارالحکومت اسلام آباد میں تیز آندھی کے ساتھ بارش اور ژالہ باری ہوئی جبکہ لاہور، شکرگڑھ، سیالکوٹ، سوات اور آزاد کشمیر سمیت کئی علاقوں میں بارش ہوئی۔
