امرتسر: بھارت کے سابق اوپنر بیٹسمین اور پنجاب کے سیاستدان نجوت سنگھ سدھو نے بھارت کے مزدور کش قوانین کے خلاف اپنے گھر کی چھت پر سیاہ پرچم لگا دیاہے۔
سابق لیجنڈری کھلاڑی نجوت سنگھ سدھو نے بھارت میں کسانوں کیساتھ اظہارِ یکجہتی کرتے ہوئے اپنے گھر کی چھت پر سیاہ پرچم لہرا یاہے اس موقع پر ان کی اہلیہ بھی ان کے ہمراہ موجود تھیں۔
ٹوئٹر پر ایک مختصر ویڈیو شیئر کی ہے جس میں انھوں نے کہا کہ پنجاب کے کسانوں کے ساتھ کئی سالوں سے ظلم ہو رہاہے اور ان کو ان کی محنت کا صلہ نہیں مل رہا۔
Hoisting the Black Flag in Protest … Every Punjabi must support the Farmers !! pic.twitter.com/CQEP32O3az
— Navjot Singh Sidhu (@sherryontopp) May 25, 2021
نجوت سنگھ سدھو نے کہا کہ پچھلے 20 یا 25 برسوں سے کسان پریشان ہے جس کی وجہ سے پنجاب کے کسانوں کو تحریک چلانا پڑ رہی ہے۔
انہوں نے کہا کہ پنجاب آج ایک ساتھ تین زرعی قوانین کی جنگ لڑرہا ہے،ویڈیو پیغام میں انہوں نے لکھا کہ ہر پنجابی کو کسانوں کی بھرپور حمایت کرنی چاہئے۔
بھارت کے سابق اسٹار کرکٹر نے کہا کہ جب تک تین زرعی قوانین کے خلاف جنگ کامیاب نہیں ہوتی میرے گھر کی چھت پر سیاہ پرچم ان کی مذمت کیلئے لہراتا رہے گا۔
