فوٹو: فائل
کراچی: سانحہ مچھ کے شہدا کے لواحقین کیلئے تیار ہونے والا معاہدہ وفاقی وزیر برائے بحری امور علی حیدرزیدی نے ٹوئٹر پر جاری کرتے ہوئے سوال کیا کہ تمام مطالبات منظور ہونے کے باوجود وہ کون ہیں جو شہدا کی لاشوں پر سیاست کر رہا ہے؟
علی حیدر زیدی اور وزیراعظم عمران خان کے معاون خصوصی ذلفی بخاری چند روز قبل کوئٹہ پہنچے تھے جہاں انہوں نے مچھ سانحے میں جاں بحق ہونے والے افراد کی تدفین کے لیے ان کے لواحقین سے مذاکرات کیے تھے۔
وفاقی وزیر علی حیدر زیدی نے اپوزیشن کے پیدا کردہ ابہام کو دور کرنے کیلئے سانحہ مچھ کے متاثرین کے لیے تیار معاہدہ ٹوئٹر پر جاری کر دیا ہے۔
یہ رہے مطالبات اور یہ رہا معاہدہ جو پچھلے 2 دن سے تیار ہے!
— Ali Haider Zaidi (@AliHZaidiPTI) January 8, 2021
اگرچہ انسانی جان کی کوئی قیمت نہیں چکا سکتا، مگر یہ بتاتا چلوں کے معاوضے کی رقم میں کافی اضافہ کر دیا گیا ہے!
تمام مطالبات تسلیم ہونے کے باوجود بھی وہ کون سے عناصر ہیں جو ان بے گناہ شہیدوں کی لاشوں پہ سیاست کر رہے ہیں؟ pic.twitter.com/jJMfS7ipTP
انھوں نے سوشل میڈیا پر معاہدے کی تصویر جاری کرتے ہوئے لکھا ہے کہ شہدا کے لواحقین کے مطالبات یہ ہیں اور معاہدہ بھی جو کہ پچھلے 2 دن سے تیار ہے۔
وفاقی علی حیدر زیدی نے واضح کیا کہ انسانی جان کی کوئی قیمت نہیں چکا سکتا تاہم معاوضے کی رقم کافی بڑھا دی ہے، تمام مطالبات تسلیم ہونے کے باوجود بھی وہ کون ہیں جو شہدا کی لاشوں پہ سیاست کر رہے ہیں؟
