فوٹو:فائل
دبئی (زمینی حقائق ڈاٹ کام )بھارتی اداکارہ پریتی زنٹا نے آئی پی ایل کی تشہیر کا اس بار ایک نیا انداز چنا ہے اور پشتو بولنے والوں کیلئے پشتو زبان میں ویڈیو پیغام جاری کیا ہے۔
پریتی زنٹا جو کہ آئی پی ایل کی ٹیم کنگز الیون پنجاب کی مالک بھی ہیں نے مداحوں کے نام پشتو زبان میں پیغام جاری کیا، 45 سالہ پریتی زنٹا نے کہا تمام محبت کرنے والوں اور چاہنے والوں کو سلام، گھر پر محفوظ اور خوش رہیں، آئی پی ایل دیکھیں، بہت بہت مہربانی۔
پریتی زنٹا ٹوئٹر پر ویڈیو شیئر کرتے ہوئے لکھا کہ وہ آئی پی ایل کے ہر سیزن میں کرکٹ سے ہٹ کر کچھ نہ کچھ نیا سیکھنے کا موقع تلاش کرتی ہیں، انہوں نے اس بار ایک خوبصورت زبان بولنے کی کوشش کی ہے۔
Every IPL I look for an opportunity to learn something new besides cricket🏏I’ve tried to do my best to speak this beautiful language correctly. If there are any mistakes please forgive me❤️Can U guess the language & what I’m saying? #PzIpldiaries #Ipl2020 #Dream11IPL #Ting 🤩 pic.twitter.com/CpwKcP3uAH
— Preity G Zinta (@realpreityzinta) September 22, 2020
پریتی نے کہا اگر ان کی جانب سے کوئی غلطی ہوئی ہے تو وہ معافی چاہتی ہیں مداحوں کو مخاطب کرتے ہوئے مزید لکھا کہ کیا آپ لوگ اس زبان کا اندازہ لگا سکتے ہیں وہ کون سی زبان میں کیا بول رہی ہیں۔
یہ کوئی تکا نہیں مارا گیا بلکہ یقینا کنگز الیون پنجاب کی مارکیٹنگ ٹیم نے انھیں یہ آئیڈیا دیا ہو گا کیونکہ پاکستان ہی نہیں دنیا بھر میں پشتو بولنے اور سمجھنے والے موجود ہیں۔
خاص کر متحدہ عرب امارات میں پاکستانیوں کی ایک بڑی تعداد پشتو بولنے والوں کی ہے جو اکثر گراونڈز میں آ کر بھی میچ دیکھتے ہیں لیکن اس بار کوروناکی وجہ سے گھروں میں ہیں اس لئے یہ پیغام ان کیلئے بھی ہے۔
