فوٹو: ٹوئٹر
اسلام آباد(زمینی حقائق ڈاٹ کام) چین مشکل ترین حالات میں بھی پاکستان کے ساتھ دوستی نبھانے سے غافل نہیں ہے جہاں وہ کورونا وائرس کے خلاف جنگ میں پاکستان کی مدد کررہاہے وہاں یوم پاکستان پر بھی چینی عوام اور حکومت کی طرف سے تہنتی پیغامات دیئے جارہے ہیں۔
چین کی وزارت خارجہ کے ترجمان لی جیان نے یوم پاکستان پر قومی ترانے کی ایک دھن سوشل میڈیا پر شیئر کرتے ہوئے پاکستان کو مبارکباد دی ہے۔
With this song in violin, I wish you a happy #PakistanDay! This song is out of the world! I wish Pakistan could defeat #COVID19 ASAP! #StandWithPakistan! Chin-Pakistan dosti zindabad! pic.twitter.com/6s3LqshbiZ
— Lijian Zhao 赵立坚 (@zlj517) March 22, 2020
سماجی رابطے کی ویب سائٹ ٹوئٹر پر ایک ویڈیو شیئر کی گئی ہے جس میں ایک چینی بچہ ہارمونیم پر قومی ترانے کی دھن بہت خوبصورت انداز میں پیش کررہاہے جس کے الفاظ کا بھی واضح اظہار بھی سننے والوں تک پہنچتا ہے۔
ایک اور ٹوئٹر پر چین کی طرف سے کورونا وائرس سے موثر انداز میں نمٹنے پر وزیراعظم عمران خان اور آرمی چیف جنرل قمر جاوید باجوہ کے تحسین بھرے الفاظ کا بھی شکریہ ادا کیا گیاہے۔
A simple, small yet dignified Flag Hoisting Ceremony was held in Beijing Embassy on 23rd March. I Addresses the gathering and conveyed a message to our students in China on #COVID19 pic.twitter.com/xjfJ2DmTA2
— Amb Naghmana Hashmi (@AmbNaghmanaHash) March 23, 2020
ادھربیجنگ میں یوم پاکستان کی مناسبت سے ایک خصوصی تقریب کااہتمام کیا گیا جس میں پاکستانی سفیر نغمانہ ہاشمی نے خطاب میں پاک چین دوستی پر بھی روشنی ڈالی اور کورونا وائرس سے متاثرہ چینی خاندانوں کے ساتھ یکجہتی کا بھی اظہار کیا۔
We are together in fighting coronaviruspic.twitter.com/jrHnkHux0y
— Chinese Emb Pakistan (@CathayPak) March 23, 2020
دوسری طرف چینی سفارتخانہ کی طرف سے ٹوئٹر پرایک اور ویڈیو بھی شیئر کی گئی ہے جس میں چینی افراد کے پیغامات شامل ہیں جس میں وہ پاک چین مضبوط دوستی کے علاوہ مل کر کوورنا وائرس کو شکست دینے کاعزم کررہے ہیں۔
یہ پیغامات اردو اورچین کی زبان میں نشر کئے گئے ہیں جس میں پاک چین دوستی پر فخر کااظہار بھی کیا گیاہے جس کے آخر میں مرحوم جنید جمشید کا مشہور ملی نغمہ ، ہم پاکستانی ہر مشکل میں جیتیں گے ، بھی شامل کیا گیاہے۔
