فوٹو : ہواوے
لاہور (ویب ڈیسک)ہواوے کمپنی نے اپنا نیا اسمارٹ فون وائے 9 ایس پاکستان میں متعارف کرادیا ہے جس کی انٹرنل میموری 128 جی بی رکھی گئی ہے.
لاہور میں ایک ایونٹ کے دوران وائے سیریز کا یہ نیا فون متعارف کراتے ہوئے کمپنی نے دعویٰ کیا کہ یہ مڈرینج ڈیوائس اپنے ڈسپلے اور کمرے کی بدولت صارفین کے دل جیت لے گی۔
اس فون میں 6.59 انچ کا ایف ایچ ڈی پلس الٹرا فل ویو ڈسپلے دیا گیا ہے جس میں بیزل نہ ہونے کے برابر ہیں،
کمپنی نے اپنے ای ایم یو آئی 9.1 کا امتزاج اینڈرائیڈ 9 آپریٹنگ سسٹم سے کیا ہے جبکہ 4000 ایم اے ایچ بیٹری دی گئی ہے۔
فون میں کمپنی کا اپنا کیرین 710 ایف پراسیسر، 6 جی بی ریم اور 128 جی بی اسٹوریج دی گئی ہے جس میں مائیکرو ایس ڈی کارڈ سے 512 جی بی تک اضافہ کیا جاسکتا ہے۔
اس فون کے بیک پر ایل ای ڈی فلیش کے ساتھ3 کیمروں کا سیٹ اپ ہے جس میں مین کیمرا 48 میگا پکسل سنسر (ایف 1.8 آپرچر) سے لیس ہے جبکہ 8 میگا پکسل الٹرا وائیڈ اینگل اور 2 میگا پکسل ڈیپتھ سنسر لینس بھی موجود ہے۔
ہواوے کے کنٹری منیجر اسکاٹ ہوانگ نے تقریب میں کہا کہ رواں مالی سال کی تیسری سہ ماہی کے دوران عالمی مارکیٹ میں کمپنی کا شیئر 18,6 فیصد رہا اور وہ دنیا کی دوسری بڑی کمپنی کی پوزیشن کو مستحکم کرنے میں کامیاب رہی، تمام تر مشکلات کے باوجود اکتوبر تک دنیا بھر میں فونز کی ترسیل 20 کروڑ سے تجاوز کرچکی ہے اور یہ ہدف 2018 کے مقابلے میں 64 دن پہلے ہی حاصل کرلیا گیا۔
پاکستان میں یہ فون 30 نومبر سے 6 دسمبر تک پری آرڈر میں فروخت کیا جائے گا جس کے بعد اس مارکیٹ میں عام فروخت کردیا جائے گا، پاکستان میں فون کی قیمت 42 ہزار 999 روپے رکھی گئی ہے۔
