Welcome, Login to your account.

Forget password? Remember me

Sign in

Recover your password.

A password will be e-mailed to you.

زمینی حقائق - ZAMEENI HAQAIQ

English
- News
- Blog
کالم
میرا گائوں
انٹرویو
ادب
جرائم
صحت و تعلیم
دلچسپ و عجیب
کھیل
شوبز
انٹرنیشنل
پاکستان
ہوم پیج

Home
Auto Draft
صحت و تعلیم
سائنس و ٹیکنالوجی

سائنس و ٹیکنالوجی

پاس ورڈ ہیکنگ سے بچنے کا ٹول متعارف

Zameeni Haqaiq Oct 8, 2020 0

Browsing Category

سائنس و ٹیکنالوجی

سکالرشپ

Recent Posts

عورتوں کی فضول خرچیاں

Zameeni Haqaiq Oct 28, 2020 0

خواجہ آصف نے اچانک 2سچ بول دیئے

Zameeni Haqaiq Oct 28, 2020 0

وزیراعظم نے120نئی احتساب عدالتوں کی منظوری دیدی

Zameeni Haqaiq Oct 27, 2020 0

موٹروے زیادتی کیس،متاثرہ خاتون نے ملزم عابد ملہی کو پہچان…

Zameeni Haqaiq Oct 27, 2020 0

پاکستان کا 5 ممالک سے مجرموں کی منتقلی کا بڑا فیصلہ

Zameeni Haqaiq Oct 27, 2020 0

Currency Converter

Recent Posts

عورتوں کی فضول خرچیاں

Zameeni Haqaiq Oct 28, 2020 0

خواجہ آصف نے اچانک 2سچ بول دیئے

Oct 28, 2020

وزیراعظم نے120نئی احتساب عدالتوں کی منظوری دیدی

Oct 27, 2020

موٹروے زیادتی کیس،متاثرہ خاتون نے ملزم عابد ملہی کو پہچان لیا

Oct 27, 2020

Prev Next 1 of 1,328

Visits since 2019

Your IP: 162.158.79.39

Recent Posts

عورتوں کی فضول خرچیاں

Oct 28, 2020

خواجہ آصف نے اچانک 2سچ بول دیئے

Oct 28, 2020

وزیراعظم نے120نئی احتساب عدالتوں کی منظوری دیدی

Oct 27, 2020

موٹروے زیادتی کیس،متاثرہ خاتون نے ملزم عابد ملہی کو پہچان…

Oct 27, 2020

Prev Next 1 of 1,328

حریت رہنما،سید علی گیلانی، کے الفاظ جب موضوع سخن بنے

رپورٹ = شاہ جہاں شیرازی ریاض مقبوضہ کشمیر کے بزرگ حریت رہنما سید علی گیلانی کے منہ سے نکلا ایک فقرہ، ایک نعرہ اور ایک جستجو نے پاکستان کے بیرون ملک آباد اہل ذوق کو اتنا بھایا کہ اس موضوع پر پوری ایک شعری نشست کا اہتمام کر ڈالا. وہ مصرعہ کیا تھا ,, ہم پاکستانی ہیں، پاکستان ہمارا ہے. اس مصرعے کو پاکستانی صحافیوں، ادیبوں اور شعراء کی تنظیم پاکستان رائٹرز کلب اور لیڈیز چیپٹر نے لے کر انوکھے انداز میں ایک پر وگرام ترتیب دیا کہ اس شعر کے مناسبت سے دوسرا مصرعہ پڑھنے کے لئے سب کو شعرکی زبان میں اظہار خیال کا موقع دیا کہ ہر ایک اپنے جذبات کا اظہار شعری انداز میں کرسکے۔ اس موقع پرپاکستان رائٹرز کلب کے صدر پروفیسر فیاض ملک نے کہا کہ بھارت کے مسلم کش اور اقلیتوں کے خلاف قوانین اور کاروائیوں کا تذکرہ اس وقت عالمی اخبارات کی زینت بنا ہوا ہے۔ بھارتی معاشرے کے اندر سے اقلیتوں کے تحفظ کے لیے آوازیں اٹھنا شروع ہو گئی ہیں۔ پاکستان رائٹرز کلب لیڈیز چیپٹر کی سینیئر رکن اورخاتون صحافی و رائٹر محترمہ عنبرین فیض نے اظہار خیال کرتے ہوئے کہا کہ کشمیر ہماری شہ رگ ہے اور ہر موقع پر مقبوضہ کشمیر کے مظلوم بہن بھائیوں کے ساتھ مکمل ہمدردی کا اظہار کرنا، دراصل عالمی دنیا کو باور کرانا ہے کہ بھارت وہ جابر و فاشسٹ ریاست ہے جنہوں نے گزشتہ72 سالوں سے کشمیر پر غاصبانہ قبضہ کرکے وہاں کے نہتے اور معصوم شہریوں پر عرصہ حیات تنگ کررکھا گیا۔ پاکستان رائٹرزکلب لیڈیز چپیٹر کی کنوینر ڈاکٹر فرح نادیہ نے کہا کہ کشمیر ہمارا شہ رگ ہے آج ہمارے کشمیری بہن بھائی جانوں کا نذرانہ پیش کرکے آزادی کی جوجنگ لڑ رہے ہیں ہم ایسے حالات میں اپنے کشمیری بہن بھائیوں کو اس موقع پر بے یارو مدد گار نہیں چھوڑ سکتے. پاکستان رائٹرز کلب لیڈ یز چیپٹر کے ڈپٹی کنوینر محترمہ شمائلہ ضو پاش ملک نے اپنے خیالات کے موتی یوں بکھیرے. اٹھو کہ اب بھی ماؤں کی دعا اور بہنوں کی رضا کا ……لہو روتی آنکھوں کا قیامت خیز نظارہ ہے یہ آزادی کے پرچم کو کبھی گرنے نہیں دیتے……پاکستان کے ہیں ہم فقط یہی وہ نعرہ ہے. پاکستان رائٹرز کلب لیڈ یز چپٹر کے سابق کنوینر محترمہ مدیحہ ملک نے کچھ یوں کہا کہ اک طویل مسافت ہے جو کٹتی ہی نہیں ……آزمائش کی گھڑیاں ہیں کہ ٹلتی ہی نہیں زمیں سے فلک تک پھر بھی ایک ہی نعرہ ہے …ہم پاکستانی ہیں پاکستان ہمارا ہے۔ پاکستان رائٹرز کلب لیڈیز چپٹر کی سابق کنوینر اور ممتاز آرٹسٹ محترمہ عاصمہ طارق نے علی گیلانی کی مصرعے پر یوں کہا کہ ہم پاکستانی ہیں، پاکستان ہمارا ہے ……اب جاگ کہ اٹوٹ انگ نے پکارا ہے ہم پاکستانی ہیں، پاکستان ہمارا ہے ………کشمیر کیا ہندوستاں بھی ہمارا ہے۔ دعا ہے اس دھرتی کو حبیب خدا کی……اس کی حد دنیا کا آخری کنارا ہے۔ دبئی سے ابو نعمان کوثر یوں گویا ہوئے. نسبت اپنی دین محمد یہی اسلاف کا نعرہ ہے……ہم پاکستانی ہیں پاکستان ہمارا ہے محترمہ آمنہ الطاف نے مصرعے پر یوں طبع آزمائی کی, شہ رگ جو جدا ہو پاکستان سے……اس میں سب کا خسارہ ہے ڈرتے ہیں نہ تیغ سے نہ تلوار سے ……کشمیر ہمارا تھا ہمارا ہے۔ محترمہ حرا نے کہا کہ, کشمیر ہندوستان کا ہو یہ کیسے گوارا ہے …ہم پاکستانی ہیں، پاکستان ہمارا ہے. پاکستان رائٹرز کلب لیڈیز چپٹر کی کنوینرپروگرامز محترمہ انجینیئر مدیحہ نعمان نے یوں أپنے خیالات کا اظہار کیا. دل و جان سے بھی زیادہ ہمیں پیارا ہے ……کشمیر کو ایک پاکستان کا ہی سہارا ہے جان و من نچھاور اے وطن تجھ پر……سب سے پہلے ہمارا چاند و ستارہ ہے۔ ڈاکٹر شازیہ ریاض ہمارے لہو میں ہے عہد وفا……اس دھرتی کا ہر زرہ ہمیں جی جان سے پیارا ہے. نجران سے محترمہ نائیلہ خادم اس کو کیسے کہہ دیں جا! دشمن کے حوالے ہے………وہ کشمیر جو جنت کا گہوارا ہے. اس کی مٹی کا ہر پاکستانی قرض دار ہے ……کشمیر ہندوستان کا ہو یہ کیسے ہم کو گوارا ہے. پاکستان سے محترمہ طیبہ شمس دل کو جسم سے جدا کریں۔۔۔یہ کیسے گوارا ہو……جلا کر راکھ کر دیں یہ ہم کو کیسے گوارا ہو خوشیوں بھرے آنگن کو ہم سسکیوں سے بھر دیں……ہماری غیرت و حمیت کو یہ کیسے گوارہ ہو. ریاض سے طوبا ذیشان اے وادء کشمیر تیری حرمت پر ہم قربان…کہ یہ دنیا فانی ھے اس پر ایمان ہمارا ہے. پاکستان رائٹرز کلب کے سکرٹری فنانس وممتاز شاعر انجینئر زبیر بھٹی نے سید علی گیلانی کی مصرعے پر یوں لب کشائی کی۔ جنت کسی کافر کو ملی ہے نہ ملے گی……پھر کیسے یہ کہہ دیں کہ کشمیر تمہارا ہے۔ محترمہ سبین محبوب ریاض عمر کا رعب اور علی کی جرّات ہمارے خوں میں بہتی ہے ……ہوش کرو ظلم ڈھانے والوں، تم نے کسے کو للکارا ہے۔ آخر میں کشمیر کی آزادی، حریت راہنما سید علی گیلانی کی جلد صحت یابی اور کشمیر میں ظلم و ستم کی خاتمے کی دعا کی گئی۔
وفاقی سیکرٹری برائے قومی تاریخ و ادبی ورثہ ڈویژن کا دورہ اکادمی

فوٹو : پی آر او اکادمی ادبیات اسلام آباد(ویب ڈیسک )وفاقی سیکرٹری برائے قومی تاریخ و ادبی ورثہ ڈویژن انعام اللہ خان نے اکادمی ادبیات پاکستان کا دورہ کیا۔ اس موقع پر وفاقی سیکرٹری نے کہا کہ اکادمی ادبیات پاکستان ادب کے فروغ اور ادیبوں کی فلاح و بہبود کا قومی ادارہ ہے، اس ادارے کی اہمیت اور افادیت سے بخوبی آگاہ ہیں. انھوں نے کہا ہر ممکن کوشش ہوگی کہ اس ادارے کو اپنے اہداف کے حصول کے لیے مزید فعال اور موثر بنائیں۔ وفاقی سیکرٹری انعام اللہ خان نے اکادمی کی کارکردگی پر اطمینان کا اظہار کیا. وفاقی سیکرٹری نےادبی منصوبوں کی تکمیل کے لیے تعاون کی یقین دہانی کرائی۔ وفاقی سیکرٹری کو اکادمی کی کارکردگی، اشاعتی منصوبوں اور مستقبل کے اہداف کے بارے میں چیئرمین اکادمی محمد سلمان نے بریفنگ دی۔ انعام اللہ خان نے اکادمی ادبیات کے مختلف شعبوں اور فیض احمد فیض آڈیٹوریم دیکھا اور آڈیٹوریم کے کام کو جلد از جلد مکمل کرنے کی ہدایت کی۔
جامن کا پیڑ

کرشن چندر رات کو بڑے زور کا جھکڑ چلا۔ سکریٹریٹ کے لان میں جامن کا ایک درخت گرپڑا۔ صبح جب مالی نے دیکھا تو اسے معلوم پڑا کہ درخت کے نیچے ایک آدمی دبا پڑاہے۔ مالی دوڑا-دوڑا چپراسی کے پاس گیا۔ چپراسی دوڑا-دوڑا کلرک کے پاس گیا۔کلرک دوڑا-دوڑا سپرنٹنڈنٹ کے پاس گیا۔ سپرنٹنڈنٹ دوڑا-دوڑا باہر لان میں آیا۔منٹوں میں گرے ہوئے درخت کے نیچے دبے ہوئے آدمی کے گرد مجمع ‘ اکٹھا ہو گیا- بیچارا! جامن کا درخت کتنا پھل دارتھا۔ ایک کلرک بولا۔ اس کی جامن کتنی رسیلی ہوتی تھیں۔دوسرا کلرک بولا۔ میں پھلوں کے موسم میں جھولی بھر‌کےلے جاتا تھا۔ میرے بچے اس کی جامنیں کتنی خوشی سے کھاتے تھے۔تیسرے کلرک نے تقریباً آبدیدہ ہوکر کہا۔ مگر یہ آدمی؟مالی نے دبےہوئے آدمی کی طرف اشارہ کیا۔ ہاں، یہ آدمی! سپرنٹنڈنٹ سوچ میں پڑ گیا۔ پتہ نہیں زندہ ہے کہ مر گیا! ایک چپراسی نے پوچھا۔ مر گیا ہوگا۔ اتنا بھاری تنا جن کی پیٹھ پر گرے، وہ بچ کیسے سکتا ہے! دوسرا چپراسی بولا۔ نہیں میں زندہ ہوں! دبےہوئے آدمی نے بہ مشکل، کراہتے ہوئے کہا۔ زندہ ہے! ایک کلرک نے حیرت سے کہا۔ درخت کو ہٹاکر اس کو نکال لیناچاہیے۔ مالی نے مشورہ دیا۔ مشکل معلوم ہوتا ہے۔ایک کاہل اور موٹا چپراسی بولا۔درخت کا تنا بہت بھاری اور وزنی ہے۔ کیا مشکل ہے؟ مالی بولا۔ اگر سپرنٹنڈنٹ صاحب حکم دے تو ابھی پندرہ-بیس مالی، چپراسی اور کلرک زور لگاکردرخت کے نیچے سے دبے آدمی کو نکال سکتے ہیں۔ مالی ٹھیک کہتا ہے۔بہت-سےکلرک ایک ساتھ بول پڑے۔ لگاؤ زور، ہم تیار ہیں۔ ایک دم بہت سے لوگ درخت کو کاٹنے پر تیار ہو گئے۔ ٹھہرو!، سپرنٹنڈنٹ بولا،میں انڈر-سکریٹری سے مشورہ کر لوں۔ سپرنٹنڈنٹ انڈر-سکریٹری کے پاس گیا۔ انڈر-سکریٹری ڈپٹی سکریٹری کے پاس گیا۔ ڈپٹی سکریٹری جوائنٹ سکریٹری کے پاس گیا۔ جوائنٹ سکریٹری چیف سکریٹری کے پاس گیا۔ چیف سکریٹری نے جوائنٹ سکریٹری سے کچھ کہا۔ جوائنٹ سکریٹری نے ڈپٹی سکریٹری سے کچھ کہا۔ ڈپٹی سکریٹری نےانڈر سکریٹری سے کچھ کہا۔ ایک فائل بن گئی۔ فائل چلنے لگی۔ فائل چلتی رہی۔ اسی میں آدھا دن گزر گیا۔دوپہر کو کھانے پر دبے ہوئے آدمی کے گرد بہت بھیڑ ہو گئی تھی۔ لوگ طرح-طرح کی باتیں کر رہے تھے۔ کچھ من چلے کلرکوں نے معاملے کو اپنے ہاتھ میں لینا چاہا۔ وہ حکومت کے فیصلے کا انتظار کئے بغیر درخت کو خود سے ہٹانے کا تہیہ کر رہے تھے کہ اتنےمیں سپرنٹنڈنٹ فائل لئے بھاگا-بھاگا آیا، بولا-ہم لوگ خود سے اس درخت کو یہاں سے ہٹا نہیں سکتے۔ ہم لوگ محکمہ تجارت سے متعلق ہیں اور یہ درخت کا معاملہ ہے جو محکمہ زراعت کی تحویل میں ہے۔ اس لئے میں اس فائل کو ارجنٹ مارک کرکے محکمہ زراعت میں بھیج رہا ہوں۔ وہاں سے جواب آتے ہی اس کو ہٹوا دیا جائے‌گا۔ دوسرے دن محکمہ زراعت سے جواب آیا کہ درخت ہٹوانے کی ذمہ داری محکمہ تجارت پر عائد ہوتی ہے۔یہ جواب پڑھ‌کر محکمہ تجارت کو غصہ آ گیا۔ انہوں نے فوراً لکھا کہ درختوں کو ہٹوانے یا نہ ہٹوانے کی ذمہ داری محکمہ زراعت پر عائد ہوتی ہے۔ محکمہ تجارت کااس معاملے سے کوئی تعلق نہیں ہے۔ دوسرے دن بھی فائل چلتی رہی۔ شام کو جواب بھی آ گیا۔ ہم اس معاملےکو ہارٹی کلچرل ڈپارٹمنٹ کے سپرد کر رہے ہیں کیونکہ یہ ایک پھل دار درخت کا معاملہ ہے اور ایگریکلچرل ڈپارٹمنٹ صرف اناج اور کھیتی باڑی کے معاملوں میں فیصلہ کرنے کامجاز ہے۔ جامن کا درخت ایک پھل دار درخت ہے اس لئے درخت ہارٹی کلچرل ڈپارٹمنٹ کےدائرہ اختیار میں آتا ہے۔ رات کو مالی نے دبے ہوئے آدمی کو دال-بھات کھلایا حالانکہ لان کے چاروں طرف پولیس کا پہرا تھا کہ کہیں لوگ قانون کو اپنے ہاتھ میں لےکر درخت کو خود سےہٹوانے کی کوشش نہ کریں۔ مگر ایک پولیس کانسٹبل کو رحم آ گیا اور اس نے مالی کودبے ہوئے آدمی کو کھانا کھلانے کی اجازت دے دی۔ مالی نے دبے ہوئے آدمی سے کہا،تمہاری فائل چل رہی ہے۔ امید ہے کہ کل تک فیصلہ ہو جائے‌گا۔ دبا ہوا آدمی کچھ نہ بولا۔ مالی نے درخت کے تنے کو غور سے دیکھ‌کر کہا،حیرت گزری کہ تناتمہارے کولہے پر گرا۔ اگر کمر پر گرتا تو ریڑھ کی ہڈی ٹوٹ جاتی۔ دبا ہوا آدمی پھر بھی کچھ نہ بولا۔ مالی نے پھر کہا،تمہارا یہاں کوئی وارث ہو تو مجھے اس کا اتہ پتہ بتاؤ۔ میں اس کو خبر دینے کی کوشش کروں‌گا۔ میں لاوارث ہوں۔دبے ہوئےآدمی نے بڑی مشکل سے کہا۔ مالی افسوس ظاہر کرتا ہوا وہاں سے ہٹ گیا۔ تیسرے دن ہارٹی کلچرل ڈپارٹمنٹ سے جواب آ گیا۔ بڑا کڑا جواب تھا، اورطنز آمیز۔ ہارٹی کلچرل ڈپارٹمنٹ کا سکریٹری ادبی مزاج کا آدمی معلوم ہوتا تھا۔ اس نےلکھا تھا ؛حیرت ہے، اس وقت جب ‘ درخت اگاؤ ‘ اسکیم بڑے پیمانے پر چل رہی ہیں، ہمارے ملک میں ایسے سرکاری افسر موجود ہیں جو درخت کاٹنے کا مشورہ دیتے ہیں،وہ بھی ایک پھل دار درخت کو!اور پھر جامن کے درخت کو! جس کا پھل عوام بڑی رغبت سےکھاتے ہیں!! ہمارا محکمہ کسی حالت میں اس پھل دار درخت کو کاٹنے کی اجازت نہیں دےسکتا۔ اب کیا کیا جائے؟ ایک منچلے نے کہا۔اگر درخت کاٹا نہیں جا سکتا تو اس آدمی کو کاٹ‌کر نکال لیاجائے! یہ دیکھیے، اسی آدمی نے اشارے سے بتایا۔ اگر اس آدمی کو بیچ میں سے یعنی دھڑ کے مقام سے کاٹا جائے تو آدھا آدمی ادھر سے نکل آئے‌گا اور آدھا آدمی ادھر سےباہر آ جائے‌گا، اور درخت وہیں کا وہیں رہے‌گا۔ مگر اس طرح سے تو میں مر جاؤں‌گا! دبے ہوئے آدمی نے احتجاج کیا۔ یہ بھی ٹھیک کہتا ہے! ایک کلرک بولا۔ آدمی کو کاٹنے والی تجویز پیش کرنے والے نے پرزور احتجاج کیا،آپ جانتے نہیں ہیں۔ آج کل پلاسٹک سرجری کے ذریعے دھڑ کے مقام پر اس آدمی کو پھر سےجوڑا جا سکتا ہے۔ اب فائل کو میڈیکل ڈپارٹمنٹ میں بھیج دیا گیا۔ میڈیکل ڈپارٹمنٹ نے فوراًاس پر ایکشن لیا اور جس دن فائل ملی اس نے اسی دن اس محکمے کا سب سے قابل پلاسٹک سرجن تحقیقات کےلئے بھیج دیا۔ سرجن نے دبے ہوئے آدمی کو اچھی طرح ٹٹول‌کر، اس کی صحت دیکھ‌کر، خون کا دباؤ، سانس کی ….more….
سعودی عرب میں تارکین وطن کی تنظیم بزمِ بزرگانِ کی ہفتہ واربیٹھک

فوٹو : تنظیم بزمِ بزرگانِ ریاض (رپورٹ :شاہ جہاں شیرازی)سعودی عرب میں پاکستانی تارکین وطن کی تنظیم بزمِ بزرگانِ ریاض نے ہفتہ وار بیٹھک منعقد کی جس میں جدہ کے نامور صحافی اور پاکستان جرنلسٹ فورم کے چیرمین امیر محمد خان نے خصوصی طور پر شرکت کی. اس اہم نشست میں بزرگان ریاض کے چیئرمین مین قاضی محمد اسحاق میمن اور صدر محمود احمد باجوہ نے امیر محمد خان کو خوش آمدید کہا اور ان کی صحافتی خدمات کو سراہا اور کہا کہ امیر محمد خان گزشتہ کئی دہائیوں سے سعودی عرب میں مقیم کیمونٹی کی بطور صحافی خدمت کرتے چلے آ رہے ہیں جس کو ہم قدر کی نگاہ سے دیکھتے ہیں. ہفتہ وار بیٹھک میں معروف سیاسی و سماجی شخصیات میں محمد اصغر قریشی، چوہدری بشیر احمد نے بھی خصوصی طور پر شرکت کی اور کہا کہ بزمِ بزرگانِ ریاض میں کسی سیاسی گفتگو کے بغیر جس طرح ادب کو فروغ دینے کے لئے شعراء حضرات اپنا کلام پڑھتے ہیں. انھوں نے کہا کہ شہر کے بزرگ جس طرح اپنی زندگی کے تجربات سے آگاہ کرتے ہیں اس سے یقیناً جہاں ایک بہتر تفریح کا ماحول میسر آتا ہے وہیں پر مل بیٹھنے سے باہمی بھائی چارے کی فضا بھی پیدا ہوتی ہے. دیار غیر میں محبتوں کو اس طرح کی ہفتہ وار محافل ضروری ہیں جو کہ دیار غیر میں محبتوں کو فروغ دینے میں مددگار ثابت ہو رہی ہیں۔ اس اہم بیٹھک میں بزرگ شاعر ڈاکٹر ریاض عاجز اور نوجوانوں کے نمائندہ شاعر وقار نسیم وامق نے دل کو موہ لینے والا کلام پیش کرکے خوب داد بھی وصول کی. کیمونٹی کے ہر دلعزیز گلوکار زاہد بٹ نے کلام باہو اور نعتیہ کلام سنا کر خوب داد سمیٹی ہفتہ وار بیٹھک میں میزبانی کے فرائض سیٹھ عابد نے انجام دئیے. ہفتہ وار بیٹھک میں شریک اہم شخصیات میں چوہدری مطیع اللہ، عقیل قریشی، الیاس رحیم، ذکاء اللہ محسن، مخدوم امین تاجر، عاصم لودھی، چوہدری محمد اسلم اور دیگر شامل تھے ۔
ریاض،قائد کے یوم پیدائش پرپاکستان رائٹرز کلب کےلیڈیز چیپٹرکی تقریب

فوٹو : زمینی حقائق ڈاٹ کام ریاض ( شاہ جہاں شیرازی ) پاکستانی شعراء، ادیبوں اور صحافیوں کی تنظیم پاکستان رائٹرز کلب کے لیڈیز چیپٹر نے بانی پاکستان قائد اعظم محمد علی جناح کے یوم پیدائش پر قائد کی شخصیت کو اجاگر کرنے اور ان کے سیاسی نظریات کو اکیسویں صدی میں قابل تقویت بنانے کے لئے ایک تقریب کا اہتمام کیا۔ ریاض میں ہونے والی اس تقریب کی صدارت پاکستان رائٹرز کلب کے صدر پرفیسر محمد فیاض ملک نے کی۔تقریب سے خطاب کرتے ہوئے لیڈیز چپٹر کے کنوینر ڈاکٹر فرح نادیہ نے کہا کہ بحیثیت قوم ہم پاکستانی اپنے عظیم قائد کے شکر گزار ہیں کہ جنھوں نے ان کے لئے ایک الگ اور پیار وطن پاکستان بنایا۔ انہوں نے مزید کہا کہ یہ قائداعظم کی دور بین نگاہوں اورسیاسی بصیرت ہی تھی جس نے مسلمانان ہند کی مسائل احاطہ کرتے ہوئے ہندوستان کے مسلمانوں کو متحدکرکے انہیں اپنی سیاسی تشخص کو برقرار رکھنے اپنے عقیدے اور رسم وراہ کے مطابق زندگیا ں گزارنے ایک عظیم مملکت عطاء کرنے کے لئے شبانہ روز جدوجہد کی۔ انہوں نے کہا کہ آج ہم فخر کے ساتھ اپنے ہی اخلاقی نظام کے تحت ایک آزاد ملک میں اپنے بچوں کی پرورش کرسکتے ہیں۔ڈپٹی کنوینر محترمہ شمائلہ ملک زوپاش نے کہا کہ پاکستان اللہ کا ایک تحفہ ہے جو قائداعظم محمد علی جناح کی جدوجہد اورکاوشوں کے ذریعہ ہمیں دیا گیا ہے۔ انہوں نے کہا کہ محمد علی جناح کی بے مثال دانشمندی نے چالاک ہندوں اور برطانوی راج کے تفرقہ انگیز حربوں کو شکست دی۔ انہوں نے اپنی تقریر کا اختتام پاکستان کی ترقی اور استحکام کے لئے دعاوں کے ساتھ کیا۔ ریاض : شمائلہ ملک،سونیا کاشف، عنبرین فیض، ڈاکٹر فرح اور دیگر خواتین چیپٹرز کی فنانس انچارج محترمہ سونیا کاشف نے کہا کہ آج محمد علی جناح کے دو قومی نظریہ کو سمجھنا پہلے سے کہیں زیادہ اہم ہے۔ ہندوستان اور مقبوضہ کشمیر میں جس طرح بنیاد ی تردید کی جارہی ہے، اس سے یہ ثابت ہوتا ہے کہ جناح کا دو قومی نظریہ أج ہی اتنا ہی مستند ہے جتنا 1947 میں تھا۔ رائٹرز کلب کے سابق کنوینرمحترمہ مدیحہ ملک نے محمد علی جناح کی قائدانہ خصوصیات پر اپنے خیالات کا اظہار کرتے ہوئے ان واقعات کا جائزہ لیا جہاں قائد نے اپنے آپ کو ایک بہترین وکیل، سیاستدان اور ماہر آئین ساز ثابت کیا۔ انجینئر و ڈیزائنر مدیحہ نعمان نے کہا کہ ہماری نوجوان نسل کو قائد کی دیانتداری اور بہادر شخصیت کی تقلید کرنے کی ضرورت ہے۔ قائد کے الفاظ ہمارے مردوں، خواتین اور نوجوانوں کے لئے رہنما اصول ہیں۔ صرف محنت کے ذریعے ہی ہم اپنے قائد کے ساتھ پاکستان کی ترقی کا وعدہ پورا کرسکتے ہیں۔ پاکستان رائٹرز کلب لیڈ یز چپٹر کے کوآرڈینیٹر برائے تعلقات عامہ اور معروف نوجوان شاعرہ و صحافی محترمہ قندیل ایمن نے کہا کہ ایک تعلیم یافتہ، ترقی پسند اور مضبوط پاکستان قائد کا خواب تھا۔ اب ہمارا کام ہے کہ ہم اس خواب کو پورا کریں۔ سینئر ممبر اور ادیبہ و کالم نگارہ محترمہ امبرین فیض نے کہا کہ قائد کی رہنمائی کے سنہری اصول پاکستا ن کے مضبوط اداروں کی ضمانت ہیں۔ ایک جدید تعلیمی نظام اور ایک مضبوط معاشی بنیاد وہ دو تقاضے ہیں جو ہم قائد کے رہنما خطوط کی مدد سے حاصل کرسکتے ہیں۔ تقریب کے اختتام پر پاکستان رائٹرز کلب کے صدر پرفیسر فیاض ملک نے اس بات کا اعادہ کیا کہ دنیا بھر میں قائدانہ اہلیت کی کمی کا بڑھتا ہوا بحران محمد علی جناح کو ایک اصولی انسان کی حیثیت سے پیش کررہا ہے۔ انہوں واضح کیا ک اپنی اخلاقی، ثقافتی، مذہبی اور معاشرتی اقدار کے تحفظ کے لئے اپنی صفوں میں اتحاد پیدا کرنے کا واحد راستہ قائد کے نقش قدم پر چلنا ہے۔ انہوں نے یوم قائد پر تقریب کے انعقاد پر تمام ممبروں کا شکریہ ادا کیا اور تمام ممبران کے کاوشوں کوسراہا۔
فیض کی نظم’ہم دیکھیں گے‘کو ہندو مخالف کہنا جاہلانہ سوچ ہے، جاوید اختر

فوٹو : فائل نئی دہلی (ویب ڈیسک) معروف بھارتی مصنف اورشاعرجاوید اختر نے کہا ہے پاکستانی شاعر فیض احمد فیض کی نظم ہم دیکھیں گے کو ہندو مخالف کہنا جاہلانہ سوچ ہے۔ جاوید اختر نے بھارتی میڈیا اے این آئی سے گفتگو کرتے ہوئے کہا کہ پاکستان کے مشہور شاعر فیض احمد فیض کی نظم ہم دیکھیں گے کو ہندو مخالف سمجھنا انتہائی مضحکہ خیز ہے۔ بھارت میں متنازع کالے قانون کی منظوری کے بعد ملک بھر میں احتجاج جاری ہے، یہ احتجاج اور مظاہرے پر تشدد شکل اختیار کرتے جا رہے ہیں، ان مظاہروں کے دوران اب تک 30 کے قریب افراد ہلاک ہو گئے ہیں۔ شہریت کے متنازع قانون کے خلاف احتجاج میں علی گڑھ مسلم یونیورسٹی، اترپردیش اور جامعہ ملیہ اسلامیہ دہلی کے طلبہ پیش پیش ہیں۔ کانپور میں انڈیا انسٹی ٹیوٹ آف ٹیکنالوجی نے مظاہرہ کرنے والے طلبہ کے خلاف تحقیقاتی کمیٹی تشکیل دی جو احتجاج کے وقت فیض احمد فیض کی نظم ’ہم دیکھیں گے‘ پڑھ رہے تھے۔ کمیٹی ایک فیکلٹی ممبر کی شکایت پر بنائی گئی ہے اور فیکلٹی ممبر نے دعویٰ کیا کہ نظم کا یہ مصرعہ’’جب ارضِ خدا کے کعبے سے، سب بت اٹھوائے جائیں گے” اور دوسرا “بس نام رہے گا اللہ کا” ہندو مذہب کے خلاف ہے۔ فیض احمد فیض کی نظم کے تناظر میں معروف بھارتی شاعر جاوید اختر کا کہنا تھا کہ فیض احمد فیض انقلابی شاعر تھے اور ان کی نظموں میں تو برصغیر بٹنے کا دکھ ہے۔ انھوں نے یہ بھی کہا کہ نظم تو فیض نے جب لکھی تھی جب پاکستان میں ضیاءالحق کا دور تھا لہٰذا اس نظم کو ہندو مخالف کہنا اتنا مضحکہ خیز ہے کہ اس پر سنجیدہ گفتگو کرنا ممکن ہی نہیں ہے۔ جاوید اختر کا مزید کہنا تھا کہ فیض کی نظم آزادی اظہارپر پابندیوں کے خلاف ہے، اس نظم کے خلاف بات کرنا جاہلانہ سوچ ہے۔ واضح رہے انڈیا میں شہریت کے متنازع قانون پر احتجاج کے دوران بھارتی سرکار کے خلاف مظاہروں میں اب لوگ نریندر مودی کی طرف سے اٹھتے بیٹھتے، سوتے جاگتے پاکستان پاکستان کرنے کی گردان پر بھی تنقید کرنی شروع کر دی ہے. جاوید اختر کے علاوہ پڑھے لکھے ادبی حلقے، اداکار، شعبہ تعلیم سے وابستہ بھارتی شہری بھی بی جے پی کی انتہاپسندانہ پالیسیوں پر نالاں اور سراپا احتجاج ہیں.

Ads by Google

صحت و تعلیم

مختاراں مائی کا گرلز ماڈل اسکول بند کردیا گیا
ویب ڈیسکمظفر گڑھ : فنڈز کی کمی کے باعث مظفرگڑھ میں امداد سے چلنے والا مختیارمائی کا گرلز ماڈل اسکول بند کردیا گیا ہے ۔ مختیارمائی کے گرلز ماڈل اسکول میں6 سو سے زائد طالبات تعلیم تھیں جوکہ اسکول کی بندش کے باعث زیور تعلیم سے محروم ہو گئی ہیں۔ میڈیا رپورٹس کے مطابق مختیارمائی کہتی ہیں کہ فنڈز نہ ہونے کے باعث اسکول کوچلانا ممکن نہیں ہے، 4 ماہ قبل اسکول کومحکمہ تعلیم کے نام کردیا گیا تھا ۔ انھوں نے بتایا کہ اسکول کی سرکار کو حوالگی کے باوجود محکمہ تعلیم کی جانب سے ابتک ٹیچرزکی تنخواہوں اوردیگر اخراجات کے لیے بجٹ مختص نہیں کیا جاسکا۔ اس حوالے سے مظفرگڑھ کے سی ای او ایجوکیشن سید کوثرحسین شاہ نے تصدیق کی کہ اسکول کو محکمہ تعلیم کے نام کیا جا چکا ہے،ٹیچرز کی تنخواہوں اوردیگراخراجات کے لیے 2 کروڑ روپے سے زائد کا تخمینہ لگایا گیا ہے۔ سید کوثر حسین شاہ کے مطابق بجٹ کی منظوری کے لیے 2 ماہ قبل سمری ڈیپارٹمنٹ کوبھیجی گئی تھی،بجٹ منظورہونے کے بعد اسکول کھول دیاجائے گا تاہم فنڈز نہ ہونے تک اسکول کھولنا ممکن نہیں ہے۔
ریاض،پاکستان انٹرنیشنل سکول میں تقسیم انعامات کی تقریب
ریاض (شاہ جہاں شیرازی)سعودی عرب میں سفارت خانہ پاکستان کے زیر اہتمام پاکستان انٹرنیشنل سکول ناصریہ میں فیڈرل بورڈ کے سالانہ امتحانات میں نمایاں پوزیشن لینے والے طلباء و طالبات میں انعامات دینے کی تقریب منعقد ہوئی. تقریب میں سکینڈری اور ہائیر سیکنڈری 2019 کے سالانہ امتحانات میں نمایاں پوزیشن لینے والے بچوں کی حوصلہ افزائی کے لئے سفارت خانہ پاکستان کے ناصریہ سکول کے لنک آفیسر ویلفیر اتاشی عبدالشکور شیخ کے علاوہ پرنسپل ائیر کموڈور ریٹائرڈ نعیم اختر اور دیگر اساتذہ بھی موجود تھے. مہمان خصوصی عبدالشکور شیخ نےتقریب سے خطاب میں کہا کہ آج سے چند سال قبل پاکستان انٹرنیشنل سکول ناصریہ کی صورت مخدوش حالات کا شکار تھی مگر جب نیت نیک ہو تو تمام تر چیلنجز سے نبردآزما ہوا جاسکتا یے. گزشتہ سالوں کی نسبت اس سال جس طرح بچوں کی لگن اور اساتذہ کی محنت کے باعث امتحانات میں رزلٹ آیا ہے اس سے سکول کے وقار میں اضافہ ہوا ہے، پرنسپل سمیت اساتذہ اور والدین کی کمیٹی نے کردار نبھایا ہے. انھوں نے کہا کہ پاکستان انٹرنیشنل سکول پر لوگوں کا اعتماد بڑھا ہے اور ایک معیاری تعلیم کے حصول کے لئے پاکستان انٹرنیشنل سکول نے کیمونٹی میں اپنا اچھا مقام بنایا ہے. بچوں کی حوصلہ افزائی کرتے ہوئے عبدالشکور شیخ نے کہا کہ پاکستان سے باہر پاکستانی بچے جہاں ہمارے معمار پاکستان ہیں وہیں پر ہمارا فخر بھی ہیں انکی کامیابی سے ہمارا سر فخر سے بلند ہوا ہے. والدین، اساتذہ اور بچوں کی اپنی محنت شامل ہے یہی اور ان جیسے سینکڑوں بچے اسی طرح آگے بھی تعلیمی میدان میں نمایاں کامیابیاں حاصل کریں گے اور مستقبل میں ملک و قوم کی بہتر طور پر خدمت کر سکیں گے. سکول کے پرنسپل ائیر کموڈور ریٹائرڈ نعیم اختر کا کہنا تھا کہ پاکستان انٹرنیشنل سکول نے تعلیمی میدان میں بچوں کو سازگار ماحول مہیا کیا ہے ان کی تعلیمی قابلیت کو بڑھانے کے لئے ماہر تعلیم کے ذریعے خصوصی لیکچرز اور ورکشاپس کا اہتمام کیا جاتا ہے. بچوں میں اعتماد سازی اور جدید تعلیمی نظام سے آراستہ کیا گیا اس کے علاوہ اساتذہ نے جس لگن اور محنت سے بچوں کو پڑھایا ہے اس کی بھی جتنی تعریف کی جاے کم ہے کورونا وائرس کی وجہ سے آن لائن ایجوکیشن کے ذریعے بچوں کو تعلیم سے آراستہ کیا جا رہا ہے. انھوں نے کہا کہ ہماری کوشش ہے کہ آئندہ برسوں میں اس سے بھی مزید اچھا رزلٹ دینے میں ہم کامیاب ہوسکیں تقسیم انعامات کی تقریب میں ہانیہ اذکار، ریان ملک، محمد علی باجوہ، مومنہ ناصر اور موحد منصور کو سپیشل ٹرافیاں، شیلڈز اور سرٹیفکیٹ سے نوازا گیا. طلباو طالبات میں عبدالمتین، زینب ملک، اریبہ مجتبٰی، محمد انس، عبدالحنان، احمد باجوہ، ریان ملک، محمد ریان خان نیازی، کومل خان، عبداللہ، سعدیہ، ردا خالد، محمد طلحہ خان، وفا عمر، حراء نور، اقصی عاشق، روہما عارف، حیا جواد، غزالہ رشید، حسنہ، لیبہ شکیل، آسیہ عابد کو نمایاں پوزیشن لینے پر شیلڈز اور سرٹیفکیٹ سے نوازا گیا.
پاس ورڈ ہیکنگ سے بچنے کا ٹول متعارف
فوٹو : شٹر اسٹاک اسلام آباد : گوگل کو اس بات کی فکر رہتی ہے کہ صارفین کے پاسورڈز چوری کیوں ہوتے ہیں کیونکہ ہر سال لاکھوں بلکہ کروڑوں آن لائن اکاﺅنٹس ہیک ہوجاتے ہیں اور اس کی وجہ کمزور پاسورڈز ہوتےہیں۔ حیرت انگیز طور پر 2011 سے ہر سال ایک پاس ورڈ 123456 سب سے بدترین پاس ورڈ قرار دیا جارہا ہے اور حیران کن طور پر لاکھوں یا کروڑوں افراد کا یہ پسندیدہ پاس ورڈ بھی ہے۔ دوسرے نمبر پر جو لفظ سب سے زیادہ استعمال ہوتا ہے وہ خود password ہے جو کئی برس سے اس پوزیشن پر قبضہ جمائے ہوئے جبکہ تیسرے نمبر پر اکثر 123456789 آتا ہے۔ کمزور پاس ورڈز کی وجہ سے ہیک اکاﺅنٹس کا مسئلہ بہت بڑھ چکا تھا اس لئے اب گوگل نے اس کے لیے ایک نیا ٹول کروم صارفین کے لیے متعارف کرادیا ہے۔ اینڈرائیڈ اور آئی فون میں اب گوگل کروم براؤزر صارفین کو پاس ورڈ ہیک ہونے کے بارے میں جان سکیں گے۔یہ فیچر پہلے کمپیوٹر میں دستیاب تھا مگر اب اسے اسمارٹ فونز کے لیے بھی متعارف کرادیا گیا ہے۔ اس فیچر میں یوزر نیم اور پاس ورڈز گوگل سرورز پر بھیج کر چیک کیا جائے گا کہ وہ کسی ڈیٹا ہیکنگ میں ہیکرز کے ہاتھ تو نہیں لگ گیا۔ اس کے بعد گوگل خود صارف کے یوزر نیم یا پاس ورڈ کو نہیں دیکھ سکے گا بلکہ وہ صرف یہ چیک کرسکے گا کہ یہ ہیکرز کے ہاتھ لگنے والی تفصیلات سے مطابقت تو نہیں رکھتا۔ گوگل پاس ورڈ چیک کو اسمارٹ فونز کے لیے 6 اکتوبر کو کروم 86 کے ساتھ متعارف کرایا گیا اور یہ اسی وقت کام کرے گا جب صارف نے اپنے پاس ورڈز کروم میں اسٹور کیے ہوئے ہوں گے۔ واضح رہے کہ گوگل کروم دنیا میں سب سے زیادہ استعمال ہونے والا ویب براؤزر ہے جبکہ مختلف براؤزر جیسے سام سنگ انٹرنیٹ، بریو، اوپیر اور مائیکرو سافٹ ایج سب گوگل کے ہی اوپن سورس کرومیم براؤزر انجن پر کام کرتے ہیں۔ آئی او ایس کے لیے کروم میں ٹچ ٹو فل بائیو میٹرک تصدیق سپورٹ بھی فراہم کی گئی ہے جو اینڈرائیڈ ڈیوائسز میں پہلے سے موجود ہے۔ گوگل نے اینڈرائیڈ فونز کے لیے کروم براؤزر میں ان ہانسڈ سیف براؤزنگ کا بھی اضافہ کیا ہے، جس کا مقصد یوزر نیم اور پاس ورڈ یا دیگر حساس تفصیلات چوری ہونے سے بچانا ہے۔ اس نئے ٹول کو ان ایبل کرنے پر رئیل ٹائم براؤزنگ ڈیٹا گوگل کے پاس جاتا ہے، جس سے گوگل کو فوری طور پر phising اٹیک کا علم ہوسکے گا اور وہ چوکس ہو جائے گا۔
بیسک ہیلتھ یونٹ بیروٹ میں ڈیڑھ ماہ سے حفاظتی ٹیکے اور ویکسین غائب
ایوبیہ(عتیق عباسی سے)بی ایچ یو بیروٹ نومولود بچوں کیلئے قتل گاہ کا منظر پیش کرنے لگا,پچھلے ڈیڑھ ماہ سے بچوں کے حفاظتی ٹیکے اور ویکسین غائب ہو گئی متعلقہ عملہ لمبی تان کر سو گیا. تفصیلات کے مطابق تحصیل و ضلع ایبٹ آباد کے علاقے سرکل بکوٹ کے بی ایچ یو بیروٹ کے عملے کی مجرمانہ غفلت کے باعث نومولود بچے موت کے منہ جانے لگے. مذکورہ بی ایچ یو میں گزشتہ ڈیڑھ ماہ سے بچوں کے حفاظتی ٹیکوں کی ویکسین ختم ھے مگر بی ایچ یو کے عملے کے سر پر جوں تک نہیں رینگ رہی. جہاں نومولود بچوں کی جان لیوا بیماریوں سے بچاؤ کی خاطر حفاظتی ٹیکوں کی ویکسین اشد ضروری ھے وہاں بی ایچ یو بیروٹ کی انتظامیہ بیسیوں نوآموز ننھے بچوں کو موت کے منہ میں دھکیلنے لگی. حکومت کی طرف سے دس ٹیکوں کے کورس پر مشتمل یہ ویکسینیشن پورے پاکستان کے سرکاری اسپتالوں میں مفت دستیاب ھے مگر بیروٹ بی ایچ یو میں، دور افتادہ اور پہاڑی علاقوں سے آنے والی نومولود بچوں کی مائیں ویکسینیشن کی خاطر مہینوں خوار ہوتی ہیں. اہلیانِ علاقہ اور والدین نے محکمہ صحت ایبٹ آباد اور اعلیٰ حکام سے بچوں کی صحت کے حوالے سے اس حساس ترین مسئلے پر فوری نوٹس لینے کا مطالبہ کیا ھے اور مذکورہ ویکسینیشن کی فوری دستیابی کا مطالبہ کیا ہے. .
عالمی ادارہ صحت کے سربراہ کی طرف سے پھر پاکستان کی تعریف
لندن (ویب ڈیسک ) عالمی ادارہ صحت (ڈبلیو ایچ او)نے ایک بار پھر کورونا کے خلاف موثر اقدامات پر پاکستان کی تعریف کی ہے. برطانیہ کے ایک آن لائن اخبار کے کالم میں ڈبلیو ایچ او کے سربراہ ڈاکٹر ٹیڈروس ادھانوم نے کہا کہ پاکستان نے کورونا کا مقابلہ کرنے کے لیے پولیو کے انفرا اسٹرکچر کو استعمال کیا۔ انہوں نے پاکستان کے حوالے سے کہا کہ تربیت یافتہ کمیونٹی ہیلتھ ورکرز کو دوبارہ ملازمت فراہم کرکے ان سے نگرانی سمیت امور سرانجام کرائے گئے. انھوں نے لکھا ہے کہ اس حکمت عملی سے وائرس کا پھیلا کم ہوا، جیسے جیسے ملک مستحکم ہوتا جا رہا ہے معیشت بھی اب ایک بار پھر بہتر ہورہی ہے۔ مزید لکھتے ہیں کہ پاکستان کے ردعمل سے اس سبق کو تقویت ملتی ہے کہ یہ انتخاب وائرس پر قابو پانے یا معیشت کو بچانے کے درمیان نہیں تھا، دونوں کوساتھ لیکر چلنا ہے. انہوں نے وبائی امراض سے نمٹنے کے لیے تھائی لینڈ، اٹلی اور یوروگوئے کے اقدامات کی بھی تعریف کی، یاد رہے کہ عالمی ادارہ صحت کی طرف سے پہلے بھی کورونا وائرس کے اقدامات پر پاکستان کی تعریف کی گئی تھی. ڈبلیو ایچ او کے سربراہ ڈاکٹر ٹیڈروس ادھانوم کا تعلق ایتھوپیا سے ہے وہ بائیلوجسٹ ہیں اور 20117 سے عالمی ادارہ صحت کے بطور سربراہ کام کر رہے ہیں.
امریکہ نے پاکستانی سٹوڈنٹس کیلئے ویزا سروس بحال کردی
فوٹو: فائل اسلام آباد(زمینی حقائق ڈاٹ کام) امریکہ نے پاکستانی طلبہ و طالبات کی امریکہ میں تعلیم کیلئے یکم اکتوبر سے سٹوڈنٹس ویزاسروس شروع کرنے کا اعلان کردیا ہے۔ اس حوالے سے اعلامیہ کے مطابق امریکی سفارت خانے نے پاکستانی طلبہ کے لیے اسٹوڈنٹ ویزا سروس بحال کردی ہے، اسلام آباد میں امریکی سفارت خانے اور کراچی میں امریکی قونصل خانے میں یکم اکتوبر سے سروس شروع ہوگی۔ اسلام آباد میں امریکی سفارت خانے کی طرف سے جاری بیان کے مطابق اسٹوڈنٹ ویزا پہلی ترجیح ہے، اسٹوڈنٹ ویزا کے درخواست گزاروں کی بروقت اور ہر ممکن مدد کی جائے گی۔ امریکی سفارت خانے نے فیس بک پر ایک بیان میں کہا ہے کہ گریجویشن کے طلبہ کے لیے 2 اور 3 اکتوبر کو امریکی جامعات کا سالانہ آن لائن میلہ منعقد ہورہا ہے۔ اسی طرح سے انڈر گریجویٹ طلبہ کے لیے 9 اور 10 اکتوبر کی تاریخ رکھی گئی ہے، اس حوالے سے سفارت خانے نے ایک معلوماتی ویڈیو بھی جاری کی ہے۔ اعلامیہ میں کہا گیاہے کہ گزشتہ چند ماہ کے دوران درخواست گزار طلبہ کی صحت اور حفاظت کے حوالے سے کئی اقدامات کیے گئے ہیں، طلبہ ماسک پہننا اور سماجی دوری رکھنا نہ بھولیں۔
پاکستان نے ڈائیلاسز مشینیں اور وینٹی لیٹرز بنانا شروع کردیئے ہیں،فواد چوہدری
فوٹو: فائل لاہور(زمینی حقائق ڈاٹ کام)وفاقی وزیر برائے سائنس و ٹیکنالوجی فواد چوہدری نے کہا ہے پاکستان نے اپنی ڈائیلاسز مشینیں اور وینٹی لیٹرز بنانا شروع کردیئے ہیں۔ لاہور میں میڈیا سے گفتگو کرتے ہوئے وفاقی وزیر فواد چوہدری کاکہنا تھا کہ آج پاکستان ہر ماہ 1100 وینٹی لیٹرز بنا رہا ہے اسی طرح پاکستان نے ڈائلاسز مشینیں بھی تیار کر لی ہیں۔ وفاقی وزیر برائے سائنس و ٹیکنالوجی فواد چوہدری کا کہنا ہے کہ حکومت کے عدلیہ اور عسکری اداروں سمیت ہر ایک سے اچھے تعلقات ہیں، پاکستان کی فوج وہی کردار ادا کر رہی جو کہ حکومت اور کابینہ چاہتی ہے، عمران خان نے 22 سال جدوجہد کی۔ ان کا کہنا تھا کہ عمران خان کسی بھی مارشل لاء کا حصہ نہیں رہے جب کے ان کے برعکس اپوزیشن کی ہر جماعت ڈکٹیٹر کے دور کا حصہ رہ چکی ہے، عمران خان کو ووٹ کے ذریعے عوام نے وزیرِ اعظم بنایا ہے نہ کہ کسی ادارے نے، ہمیں کسی اور نے نہیں بلکہ عوام نے منتخب کیا ہے۔ سی پیک کے حوالے سے وفاقی وزیر فواد چوہدری نے کہاکہ معیشت کی بحالی کیلئے سی پیک اہم ہے اور اس منصوبے کا سیکیورٹی اینگل ہے، سی پیک کو محفوظ بنانے کیلئے ہمیں فوج کی معاونت درکار ہے۔ انہوں نے کہا کہ نواز شریف کے موقف کے حوالے سے گفتگو کرتے ہوئے کہا کہ سابق وزیراعظم نوازشریف کا کوئی اصولی جھگڑا نہیں، نواز شریف چاہتے ہیں کہ ان کے پیسے بچانے کے لیے ادارے ان کی مدد کریں۔ وفاقی وزیر نے کہا کہ پاکستانی افواج سی پیک کے منصوبے کی سیکیورٹی کیلئے اور اس کی تکمیل کیلئے اپنا کردار بخوبی نبھا رہی ہیں۔

خواتین

عورتوں کی فضول خرچیاں

راحیلہ مغل وہ کہتی ہے وہ بڑا اچھا وقت تھا جب لوگ بھی سادہ اور ان کی زندگی بھی سادگی اور کفایت شعاری والی تھی۔ نمود و نمائش نام کی کوئی چیز نہیں تھی۔ گھر کے تمام خرچے بھی پورے ہوتے تھے۔ تقریبات اس دور میں بھی ہوتی تھیں،بلکہ گھروں میں دعوتی کھانے پکائے جاتے تھے۔ خواتین گھر میں نت نئے لباس خود تیار کرتی تھیں۔ زندگی نہایت خوبصورت طریقے سے گزر رہی تھی لیکن اچانک کیا ہوا زمانے نے اپنا رنگ روپ ہی بدل ڈالا۔ سادگی کی جگہ خود نمائی نے جگہ لے گی۔ ہر طرف پیسہ ہی پیسہ چھا گیا۔ اب وہی معزز مانا جاتا ہے جو زیادہ روپیہ خرچ کرے۔ اس لئے تو آج فضول خرچی ہماری زندگی کا حصہ بنتی جا رہی ہے۔ آج ہر شخص خواہ وہ مرد ہو یا عورت اس نفسیاتی دباؤ میں زندگی گزار رہا ہے کہ اسے دنیا کے ساتھ چلنا ہے۔اس لئے تو ہم جھوٹے نمائشی رویے اپناتے جا رہے ہیں اور پیسے کا بے جا ضیاع ہمارا (Status Symbol) بن چکا ہے۔ اس لئے یہ فیصلہ کرنا بہت مشکل امر ہے کہ فضول خرچ ہونے میں مرد آگے ہے یا عورت؟کہا تو یہ جاتا ہے کہ عورت ہی زیادہ فضول خرچ ہے کیونکہ خود نمائی کی عادت عورت میں زیادہ ہوتی ہے۔ خاندان میں یا احباب میں کوئی تقریب یا شادی آجائے تو گھر کا سارا بجٹ درہم برہم ہو جاتا ہے اور خاتون خانہ کے مطالبات زور پکڑنے شروع ہو جاتے ہیں اور بیچارہ شوہر فضول خرچیوں پر سر پکڑ کر بیٹھ جاتا ہے۔ اپنی بیوی کے ان اخراجات کا ذکر بڑھا چڑھا کر اپنے حلقہ احباب میں سناتا ہے کہ کس طرح اس کی محنت سے کمائی ہوئی رقم اس کی خاتون خانہ اپنے رشتہ داروں کی شادی پر لٹا رہی ہے اور یہ کہ وہ کس طرح فضول خرچی کر رہی ہے۔ اس لئے عورت کو سب سے بڑا فضول خرچ ہونے کے خطاب سے نوازا گیا ہے۔ اکثر لوگ سردیوں میں شادی کی تقریبات کرنا پسند کرتے ہیں کیونکہ گرمی میں کھانا بھی خراب ہونے کا ڈر ہوتا ہے۔ میک اپ بھی خراب ہونے کا خطرہ،سخت سردی میں سوئیٹر سے بے نیاز لڑکیاں،خواتین آرائش و زیبائش،مہنگے ترین لباس فاخرہ میں سردی سے ٹھٹھرتی،سکڑتی،بلند بانگ قہقہے بکھیرتیں۔۔۔تو مرد حضرات بھی کڑھائی،تلے،دبکے ،موتی سے سجے بنے ریشم کے کرتے،شیروانیاں،قیمتی ملبوسات میں،عورتوں کی سی مشابہت اختیار کئے ہوتے ہیں۔ اُف اس فیشن پرستی نے ایسی وبائی مرض کی شکل اختیار کی ہے کہ سادگی،سیرت،کردار کی حقیقی خوبصورتی نظروں سے اوجھل ہو گئے ہیں۔ شادی کے ابتدائی دنوں میں قدرے فضول خرچی ایک فطری امر ہے۔ آپ اپنی خواہشات اور احساسات کا گلا نہیں گھونٹ سکتے ۔ لیکن بہتر یہی ہوتاہے کہ دونوں سمدھی اپنی اپنی مالی پوزیشن ابتدا ہی میں ایک دوسرے پر واضح کر دیں تاکہ بعد میں کوئی رنجش پیدا نہ ہو نے پائے۔ اس سے دونوں کے درمیان صحت مندانہ تعلقات استوار ہوں گے اور ساتھ ہی نو بیاہتا جوڑا بھی ایک دوسرے کی مالی حیثیت سے پہلے سے اور بخوبی واقف ہوں گے۔ اگر دونوں ہی پارٹنر شادی سے قبل ملازمت کرتے ہیں تو وہ اچھی خاصی رقم پس انداز کر سکتے ہیں جو بعد میں ان کی ذاتی ضروریات میں کام آسکتی ہے اور انہیں کوئی روکنے ٹوکنے والا بھی نہیں ہو سکتا۔ وہ اپنی نئی زندگی کا آغاز بھرپور طریقے سے کر سکتے ہیں اور اس سے خوب لطف اندوز ہو سکتے ہیں۔ یہاں پر بھی بیوی کا آغاز ہی میں تعاون یقینا ضروری ہے۔اس لئے کہ ابتدا میں شوہر اپنی بیوی کے تمام ناز نخرے اٹھانے میں کوئی کسر نہیں چھوڑتا۔ لیکن بیوی کو چاہئے کہ وہ اس موقع پر حد سے آگے بڑھنے کی کوشش نہ کرے ۔ ایسے موقعوں کے لئے مشورہ یہی ہے کہ رقم خرچ کرتے وقت ایک دوسرے کے جذبات اور ضروریات کا پوری طرح خیال رکھا جائے۔ یہ عملی سوچ ان کی طویل ازدواجی زندگی میں ایک مضبوط بنیاد کی تعمیر کا سبب بن جائے گی اور اس کے نتائج بڑے دور رس ہوں گے۔ شوہروں کے لئے یہ بات نہایت غلط اور نامناسب ہے کہ وہ اپنی مالی حیثیت کے بارے میں شیخیاں بگھارتا پھرے اور دولت اور تکبر کی باتیں بناتا پھرے جبکہ اس بات کا حقیقت سے دور تک تعلق نہ ہو۔ ہرنو بیاہتا جوڑے کو بھی چاہئے کہ وہ رقم پس انداز کرے۔ اگر آپ سہیلیوں کے ساتھ باہر انجوائے کر رہی ہوں تو تب بھی کسی کے اخراجات کے بارے میں محتاط ہونا چاہئے۔ یہ ایک عام رجحان ہے کہ جب کبھی کسی پارٹی یا تقریب وغیرہ پر خرچہ کرنے چلتے ہیں تو اپنی حدود سے تجاوز کر جاتے ہیں۔ لیکن یہ رجحان کچھ عرصے بعد ہی ذہنی کرب اور افسوس کا باعث بن جاتا ہے کیونکہ اپنی جھوٹی شان دکھانے کی خاطر وہ فرد قرضوں کے جال میں جکڑا چلا جاتا ہے۔ ایسی صورت حال سے بچنے کی خاطر بہتر یہی ہے کہ جھوٹی انا اور ظاہر ی شان و شوکت کے اظہار سے گریز کیا جائے اور اتنے ہی پاؤں پھیلائے جائیں جتنی کہ چادر میں گنجائش ہو بنتی ہے۔(بشکریہ اردو پوائنٹ)

© 2020 - زمینی حقائق. All Rights Reserved.

Website Design: BetterStudio

Sign in

Welcome, Login to your account.

Forget password? Remember me

Sign in

Recover your password.

A password will be e-mailed to you.