نیشنل ٹی 20 کپ سپر ایٹ،راولپنڈی، کراچی وائٹ،لاہور بلیوز اور پشاور کی جیت

فوٹو: ایکس پی سی بی

کراچی: نیشنل ٹی 20 کپ سپر ایٹ،راولپنڈی، کراچی وائٹ،لاہور بلیوز اور پشاور کی جیت، چاروں ٹیموں نے اپنے اپنے میچز جیت لیے، اعظم خان نے جارحانہ نصف سنچری بنا کر شعیب ملک کی ٹیم سیالکوٹ کو ہرایا۔

ان میچز کے دوران صاحبزادہ فرحان، محمد حارث، کامران غلام، اعظم خان، حسین طلعت اور خوشدل شاہ بیٹنگ میں نمایاں رہے۔ سب نے نصف سنچریاں اسکور کیں۔

.@iamharis63 smashed his third fifty of the tournament 👏#NationalT20 | #PSHvABT | #AajaMaidanMein pic.twitter.com/BYUHyacLAt

— Pakistan Cricket (@TheRealPCB) December 6, 2023

نیشنل اسٹیڈیم میں کھیلے گئے میچ میں پشاور نے ایبٹ آباد کو 21 رنز سے شکست دی۔

پشاور نے پہلے بیٹنگ کرتے ہوئے 4 وکٹوں کے نقصان پر 195 رنز بنائے۔ صاحبزادہ فرحان اور محمد حارث نے 64، 64 رنز کی اننگز کھیلیں۔

جواب میں ایبٹ آباد کی ٹیم 9 وکٹ پر 174 رنز بناسکی۔ کامران غلام 67 رنز بناکر نمایاں رہے۔یو بی ایل اسپورٹس کمپلیکس پر میچ میں راولپنڈی نے لاہور وائٹس کے خلاف 5 وکٹ سے کامیابی حاصل کی۔

لاہور وائٹس کی جانب سے دیا گیا 147 رنز کا ہدف راولپنڈی نے آخری اوور میں حاصل کیا۔

نیشنل بینک اسپورٹس کمپلیکس پر لاہور بلیوز اور فاٹا کے درمیان ہونے والا میچ 8 رنز سے لاہور بلیوز نے جیت لیا، فاتح ٹیم کے حسین طلعت نے 52 گیندوں پر 57 رنز کی ناقابل شکست اننگز کھیلی.

6️⃣ 6️⃣ 4️⃣ 6️⃣ 6️⃣ 💪

The Ammad Alam show in Karachi! Destructive batting 💥#NationalT20 | #AajaMaidanMein pic.twitter.com/9FqtC1hDcL

— Pakistan Cricket (@TheRealPCB) December 6, 2023

کراچی وائٹ اور سیالکوٹ کا میچ اعظم خان کے چھکے چوکوں سے مزین اننگز کی بدولت کراچی کے نام رہا اور 165 کا ہدف 2 اوورز پہلے ہی حاصل کر لیا.