پی ٹی آئی رہنما اسد قیصر کی ضمانت منظور ،رہاکرنے کاحکم

فائل:فوٹو

مردان: سابق سپیکرقومی اسمبلی اور تحریک انصاف کے رہنماء اسد قیصر کی ضمانت منظور کرلی گئی ، عدالت نے احکامات جاری کردیے۔

مردان کے ڈسٹرکٹ اینڈ سیشن کورٹس کے جج محمد زیب خان نے کل ضمانت کی درخواست پر فیصلہ محفوظ کیاتھا، اسد قیصر 9 مئی کے واقعات میں تھانہ پڑانگ چارسدہ میں درج ایف آئی آر میں گرفتار تھے۔

اسد قیصر کی لیگل ٹیم انکی رہائی کے لئے کچھ دیر میں مردان جیل پہنچے گی۔

یاد رہے کہ 24 نومبر کو قومی اسمبلی کے سابق اسپیکر اسد قیصر کو انسداد دہشت گردی کی عدالت سے ضمانت ملنے کے بعد چارسدہ میں درج 9 مئی سے متعلق مقدمے میں دوبارہ گرفتارکیا گیا تھا۔