پرویز الہی کا جسمانی ریمانڈ کیخلاف سپریم کورٹ سے رجوع

فائل:فوٹو
اسلام آباد:سابق وزیر اعلی پنجاب چوہدری پرویز الہی نے جسمانی ریمانڈ کیخلاف سپریم کورٹ سے رجوع کر لیا۔

سابق وزیراعلیٰ پنجاب چوہدری پرویز الہی نے جسمانی ریمانڈ کے سیشن جج اور ہائیکورٹ فیصلہ کیخلاف سپریم کورٹ میں اپیل دائر کردی۔

دائر اپیل میں موقف اختیار کیا گیا ہے کہ جوڈیشل مجسٹریٹ نے محکمہ انٹی کرپشن پنجاب کے مقدمے سے ڈسچارج کیا، مجسٹریٹ نے جسمانی ریمانڈ کی استدعا کو مسترد کیا،سیشن جج اور لاہور ہائیکورٹ نے اپیل میں جسمانی ریمانڈ کا فیصلہ دیا،جسمانی ریمانڈ دینا بنیادی حقوق کے منافی ہے،جسمانی ریمانڈ کے سبب جسمانی ذہنی تشدد اور زندگی کو خطرہ ہے۔

سپریم کورٹ سے استدعا کی گئی ہے سپریم کورٹ جسمانی ریمانڈ کا فیصلہ کالعدم قرار دے۔