ورلڈ کپ،نیوزی لینڈ نے یکطرفہ مقابلے میں نیدرلینڈ کو99رنز سے ہرادیا

فوٹو: ایکس

حیدرآباد: ورلڈ کپ،نیوزی لینڈ نے یکطرفہ مقابلے میں نیدرلینڈ کو99رنز سے ہرادیا،323 رنز کے بڑے ٹوٹل کے تعاقب میں نیدرلینڈ کی پوری ٹیم 47 اوورمیں 223 پر آوٹ ہوگئی۔

بھارت کے حیدرآباد کے راجیو گاندھی اسٹیڈیم میں یہ میچ کھیلا گیا ، میگا ایونٹ کے چھٹے میچ میں نیدرلینڈز کی ٹیم 47 ویں اوور میں 223 رنز بنا کر آؤٹ ہوئی، نیدرلینڈز کی جانب سے کولن ایکرمن 69 رنز بنا کر نمایاں رہے۔

کپتان اسٹیورٹ ایڈورڈز 30، سائیبرنڈ اینجلبرکٹ 29، تیجا نِدامنورو 21، بیس ڈی لیڈے 18، میکس او ڈاؤڈ 16، وکرمجیت سنگھ 12، آریان دت 11، رائن کلین 8 اور وین ڈر مروو 1 رنز بنا کر آٹ ہوئے جبکہ وین میکرین 4 رنز بنا کر ناٹ آؤٹ رہے۔

نیوزی لینڈ کی جانب سے مچل سینٹنر نے 5، میٹ ہینری 3 جبکہ رچن روندر نے 1 وکٹ حاصل کی،اس سے قبل نیوزی لینڈ نے نیدر لینڈز کی دعوت پر پہلے بیٹنگ کرتے ہوئے مقررہ 50 اوورز میں 322 رنز اسکور کیے۔

کیویز کو اوپننگ کا آغاز اچھا ملا اور 67 پر پہلی وکٹ گری، پھر دوسری وکٹ 144 پر گری۔ ول ینگ 70، کپتان ٹام لاتھم 53 اور رچن رویندرا 51 رنز بنا کر نمایاں بلے باز رہے۔

نیدرلینڈ کے آریان دت، پاؤل وان میکرین، رویلوف نے دو، دو وکٹیں لیں جبکہ ایک وکٹ باس ڈی لے حصے میں آئی۔

واضح رہے کہ نیوزی لینڈ نے اپنے افتتاحی میچ میں دفاعی چیمپیئن انگلینڈ کو 9 وکٹوں سے شکست دی تھی جبکہ نیدرلینڈ کی ٹیم کو پاکستان کے ہاتھوں شکست کا سامنا کرنا پڑا تھا۔

کیوی ٹیم 4 پوائنٹس کے ساتھ پہلے نمبر پر موجود ہے جبکہ نیدر لینڈز شکست کی وجہ سے آٹھویں نمبر پر ہے۔