عمران ریاض کا 22 کلو وزن کم ہوگیا، ذہنی صحت بھی متاثر ہوئی ہے

فوٹو: فائل

لاہور: پولیس کی طرف سے آج رہا کئے گئے سینئر صحافی اینکر عمران ریاض کا 22 کلو وزن کم ہوگیا، ذہنی صحت بھی متاثر ہوئی ہے۔

اس حوالے سے عمران ریاض سے ملاقات کے بعد سینئر صحافی فہد شہباز خان نے انکشاف کیا ہے کہ عمران ریاض خان کی ذہنی صحت متاثر ہوئی ہے۔

فہد شہباز نےاپنے وی لاگ میں ملاقات کا احوال بتاتے ہوئے انہوں نے کہا کہ عمران ریاض خان بول نہیں سکتے، ان کا 22 کلو وزن کم ہوگیا ہے۔

انہوں نے کہا کہ جب میں ملاقات کے لیے گیا تو وہ اپنے گھر کے ٹی وی لاونج میں کھڑے تھے، گلے لگا کر میں ان سے ملا۔ جب میں اپنے جذبات کا اظہار کر رہا تھا تو میں نے دیکھا کہ ان کا جسم پنجر بنا ہوا تھا۔

ان کا کہنا تھا کہ عمران ریاض خان قوت گویائی بہت متاثر لگ رہی تھی، وہ بات کرتے ہوئے ہلکلا رہتے تھے، انہوں نے دس سیکنڈ کی بات ڈیڑھ منٹ میں مجھے بتائی۔

عمران ریاض خان بول نہیں سکتے 22 کلو وزن کم ہوگیا مجھے اشاروں سے سمجھاتے رہے تھے سائیکلوجیکل متاثر ہوگئے ہیں
عمران ریاض سے ملنے والے صحافی فہد شہباز نے دل دہلا دینے والا احوال بتا دیا💔 pic.twitter.com/LShClzS2ga

— Faizan Shaikh (@FaiziWithKhan) September 25, 2023

واضح رہے آج پولیس کی طرف سے سوشل میڈیا پر بتایا گیا تھا کہ عمران ریاض بازیاب ہو گئے ہیں اور گھر پہنچ گئے ہیں فہد شہباز نے عمران ریاض سے ان کے گھر میں ملاقات کی.