آئی ایم ایف کی جانب سے 200 یونٹ والے صارفین کو بجلی بلوں میں ریلیف دینے کی منظوری مل گئی

فائل:فوٹو

اسلام آباد: عالمی مالیاتی فنڈ (آئی ایم ایف ) نے 400 یونٹ والے بجلی صارفین کیلئے ریلیف کی تجویز مسترد کر دی۔ 200 یونٹ والے صارفین کو بجلی بلوں میں ریلیف دینے کی منظوری دے دی۔

صارفین کو بجلی کے بلوں پر ریلیف دینے کے معاملے پر پاکستان اور آئی ایم ایف کے درمیان رابطہ ہوا۔

ذرائع کے مطابق آئی ایم ایف نے 400 یونٹ تک بجلی استعمال کرنے والوں کو ریلیف دینے کی تجویز مسترد کردی صرف 200 یونٹ تک بجلی استعمال کرنے والے صارفین سے بلز قسطوں میں وصول کرنے پر اتفاق کیاگیاہے ۔

بلز قسطوں میں وصول کرنے کی حتمی منظوری وفاقی کابینہ سے لی جائے گی۔ذرائع کاکہناہے کہ اس اقدام سے تقریبا 40 لاکھ بجلی صارفین کو وقتی ریلیف ملنے کا امکان ہے ۔تاہم 400 یونٹ تک ریلیف کی صورت میں 3 روڑ 20 لاکھ صارفین مستفید ہو سکتے تھے۔

ذرائع کاکہناہے کہ آئی ایم ایف نے بجلی، گیس چوروں کیخلاف کریک ڈاوٴن اور ریکوری بہتر بنانے پر زور دیاہے ۔یکم جولائی سے گیس ٹیرف میں بھی 45 سے 50 فیصد تک اضافے کا مطالبہ کیا ہے۔جبکہ گیس ٹیرف میں اضافہ وفاقی کابینہ کی منظوری سے مشروط ہے۔