کھیل

پاکستان نے سپرفور کے پہلے میچ میں بنگلہ دیش کو7وکٹوں سےہرادیا

By Zameeni Haqaiq
55 / 100
Powered by Rank Math SEO

فوٹو: فائل

لاہور: پاکستان نے سپرفور کے پہلے میچ میں بنگلہ دیش کو7وکٹوں سےہرادیا، ایشیا کپ کے سُپر فور مرحلے میں بنگلہ دیشی ٹیم جلد آوٹ ہوگئی، پاکستان نے بنگلادیش کے 194 رنز کے ہدف کو 3 وکٹوں کے نقصان پر 39 اعشاریہ 3 اوورز میں حاصل کرلیا۔

لاہورکےقذافی اسٹیڈیم میں کھیلے گئے میچ میں بنگلہ دیش نے ٹاس جیت کر بیٹنگ کا فیصلہ کیا ،بنگلادیشی ٹیم 38 اعشاریہ 4 اوورز میں 193 رنز پر آل آؤٹ ہوگئی تھی، یوں پاکستان کو 194 رنز کا ہدف ملا۔

پاکستان کی پہلی وکٹ 35 کے اسکور پر گری جب فخر زمان 20 رنز بناکر شریف السلام کی گیند پر آؤٹ ہوگئے،دوسری وکٹ 74 کے اسکور پر گری، بابر اعظم صرف 17 رنز بناکر تسکین احمد کی گیند پر بولڈ ہوگئے۔

تیسرے آؤٹ ہونے والے کھلاڑی اوپنر امام الحق تھے، 159 کے اسکور پر وہ 78 رنز بناکر بولڈ ہوگئے، ان کی وکٹ حسن مرزا کے حصے میں آئی۔

امام الحق نے 84 گیندوں کا سامنا کیا اور اس دوران 4 چھکے اور 5 چوکے لگائے تھے، انہوں نے محمد رضوان کے ساتھ مل کر تیسری وکٹ پر 85 رنز کی شراکت قائم کی۔

اس کے بعد محمد رضوان نے آغا سلمان کے ساتھ مل کر 40 رنز کی ناقابل شکست پارٹنر شپ بنائی، دونوں کھلاڑی بالترتیب 63 اور 12 رنز پر ناٹ آؤٹ واپس لوٹے۔

اس سے قبل بنگلادیش کی ابتدائی 4 وکٹیں صرف 47 رنز پر گر گئیں، مہدی حسن مرزا صفر، لٹن داس 14 رنز کو نسیم شاہ اور شاہین آفریدی نے میدان بدر کیا۔

اگلے دو کھلاڑیوں اوپنر محمد نعیم 20 اور توحید ہردوئے 2 رنز کو حارث روف نے میدان چھوڑنے پر مجبور کردیا۔

پانچویں وکٹ پر کپتان شکیب الحسن اور سینئر بیٹر مشفیق الرحیم نے 120 گیندوں پر 100 رنز کی شراکت قائم کی، اس دوران دونوں ہی کھلاڑیوں نے اپنی اپنی نصف سنچریاں مکمل کیں۔

میچ کے دوران شکیب الحسن نے 53 گیندوں پر 7 چوکوں کی مدد سے نصف سنچری بنائی، جو اُن کے ایک روزہ کیریئر کی 54ویں نصف سنچری رہی۔

وہ پاکستان کے خلاف اہم میچ میں بنگلادیش کے آؤٹ ہونے والے پانچویں کھلاڑی تھے، 147 کے مجموعے پر شکیب الحسن کو 53 کے انفرادی اسکور پر فہیم اشرف نے پویلین کی راہ دکھائی۔

چھٹی وکٹ پر شمیم حسین نے مشفق الرحیم کے ساتھ مل کر اسکور میں 27 رنز کا اضافہ کیا، 174 کے مجموعے پر افتخار احمد نے امام الحق کی مدد سے شمیم حسین کو 16 کے انفرادی اسکور پر قابو کرلیا۔

مشفق الرحیم نے 64 رنز کی باری کے دوران 5 چوکے لگائے، انہیں 190 کے اسکور پر حارث روف نے محمد رضوان کی مدد سے شکار کرلیا، یوں اننگز کی بڑی اور اہم ترین وکٹ بھ فاسٹ بولر کے نام رہی۔

اس کے بعد آخری 3 کھلاڑی صرف 3 رنز کے اضافے کے ساتھ ہی میدان چھوڑ گئے، گرین شرٹس کے حارث روف نے 4، نسیم شاہ نے 3 جبکہ شاہین آفریدی، افتخار احمد اور فہیم اشرف نے 1،1 وکٹ اپنے نام کی۔

بنگلہ دیش کے خلاف میچ کے لیے پاکستان ٹیم میں کپتان بابر اعظم، نائب کپتان شاداب خان، فخر زمان، امام الحق، سلمان علی آغا، افتخار احمد، محمد رضوان، فہیم اشرف، نسیم شاہ، شاہین آفریدی اور حارث رؤف شامل تھے۔

لاہور میں قذافی سٹیڈیم میں ٹاس کے بعد گفتگو کرتے ہوئے بنگلادیش کرکٹ ٹیم کے کپتان شکیب الحسن نے کہا کہ اگر ہم زیادہ رنز بناتے ہیں تو اس سے مخالف ٹیم پر دباوٴ پڑے گا۔

اس موقع پر پاکستان کرکٹ ٹیم کے کپتان بابر اعظم نے کہا کہ ہم بھی پہلے بیٹنگ ہی کرتے، گزشتہ رات ہم نے دیکھا کہ حالات نے فاسٹ باوٴلرز کی مدد کی، میچ جیتنے کی کوشش کریں گے۔

شکیب الحسن نے کہا کہ ہم نے افغانستان کے خلاف جو کچھ کیا اسے دہرانا چاہتے ہیں لیکن ہمیں دنیا کی نمبر ون ٹیم کا سامنا ہے اس لیے ہمیں اپنا بہترین کھیل کھیلنے کی ضرورت ہے۔

پاکستان نے بنگلادیش کے خلاف پلیئنگ الیون میں ایک تبدیلی کی ہے، آل راوٴنڈر محمد نواز کو سکواڈ سے نکال کر فاسٹ باوٴلر و آل راوٴنڈر فہیم اشرف کو ٹیم میں شامل کیا گیا ہے۔

واضح رہے کہ قومی ٹیم نے اب تک دو میچ کھیلے جن میں سے پہلے میں نیپال کو شکست دی جبکہ دوسرا میچ بھارت کے خلاف تھا جو بارش کی وجہ سے بغیر کسی نتیجے کے ختم ہوگیا تھا۔

Zameeni Haqaiq 19197 posts 0 comments
You might also like More from author

Comments are closed.