فائل:فوٹو
اسلام آباد ہائیکورٹ نے پی ٹی آئی رہنما صداقت عباسی کے مبینہ اغواء کیخلاف درخواست میں انسپکٹر جنرل آف پولیس اسلام آباد سے ایک ہفتہ میں رپورٹ طلب کرلی۔
اسلام آباد ہائیکورٹ کے جسٹس طارق محمود جہانگیری نے صداقت عباسی کے مبینہ اغواء کیخلاف کیس کی سماعت کی۔
ایس ایس پی آپریشنز اسلام آباد پولیس نے عدالتی حکم پر رپورٹ جمع کرادی،جس میں بتایاگیاکہ صداقت عباسی اسلام آباد پولیس کی تحویل میں نہیں ہیں،صداقت عباسی کی مبینہ گمشدگی کے حوالے سے مقدمہ تھانہ سیکرٹریٹ میں درج کرلیا ہے۔
عدالت نے معاملے پر آئی جی اسلام آباد سے ایک ہفتے میں رپورٹ طلب کرتے ہوئے کہاکہ آئی جی اسلام آباد وزارت دفاع اور وزارت داخلہ کو خط لکھیں، معلومات لی جائیں کہ صداقت عباسی وزارت دفاع آیا وزارت داخلہ کے ماتحت اداروں کی تحویل میں تو نہیں ہیں۔
عدالت نے یہ ہدایت بھی کی کہ ایس ایس پی آپریشنز معاملے کی تحقیقات کیلئے سینئر آفیسر کو تعینات کریں ، عدالت نے کیس کی سماعت 13 ستمبر تک کیلئے ملتوی کردی۔
Comments are closed.