فائل:فوٹو
اسلام آباد:پی ٹی آئی انٹرا پارٹی انتخابات میں تحریک انصاف نے الیکشن کمیشن میں جواب جمع کروا دیا، الیکشن کمیشن نے دلائل دینے کیلئے 13 ستمبر تک مہلت دے دی، الیکشن کمیشن نے واضح کیا ہے کہ کیس کو بہت زیادہ نہیں لٹکا سکتے، دلائل مکمل ہونے کے بعد پی ٹی آئی کو انتخابی نشان الاٹ کرنے کے حوالے سے فیصلہ کریں گے۔
ممبر نثار دورانی کی سربراہی میں الیکشن کمیشن کے چار رکنی کمیشن نے سماعت کی، پی ٹی آئی کے چیف الیکشن کمشنر بیرسٹر گوہر الیکشن کمیشن میں پیش ہوئے ۔
پی ٹی ائی انٹرا پارٹی الیکشنز کے حوالے سے جواب جمع کروا دیا۔بیرسٹر گوہر نے دلائل دینے کے لیے الیکشن کمیشن سے دو ہفتے کا وقت دینے کی استدعا کرتے ہوئے کہا کہ تفصیلی جواب میں تمام حقائق کو واضح کیا ہے۔
الیکشن کمیشن نے استدعا منظور کرتے ہوئے کہا الیکشن کمیشن آئندہ عام انتخابات کے لیے زیادہ تر سیاسی جماعتوں کو انتخابی نشان الاٹ کر چکا ہے، دلائل مکمل ہونے کے بعد پی ٹی آئی کو انتخابی نشان الاٹ کرنے کے حوالے سے فیصلہ کریں گے۔
بعدازاں الیکشن کمیشن نے کیس کی سماعت 13 ستمبر تک ملتوی کر دی۔
Comments are closed.