ورلڈکپ،پاکستان کرکٹ ٹیم کی نئی کٹ کی رونمائی کردی گئی

فائل:فوٹو

لاہور: پاکستان کرکٹ بورڈ نے ورلڈکپ کے سلسلے میں پاکستان کرکٹ ٹیم کی نئی کٹ کی رونمائی کردی ہے۔ چیئرمین پی سی بی مینجمنٹ کمیٹی ذکا اشرف کاکہناہے کہ ایشیاکپ اور ورلڈ کپ میں قومی ٹیم کامیاب ہوگی۔

لاہور میں آئی سی سی کرکٹ ورلڈ کپ کے لیے پاکستان کرکٹ ٹیم کی کٹ کی رونمائی تقریب منعقد کی گئی، پاکستان کرکٹ ٹیم کے چیئرمین ذکا اشرف نے کرکٹ ٹیم کی نئی کٹ کی رونمائی کی، اس کٹ کا نام ”اسٹار نیشن جرسی“ رکھا گیا ہے۔

پاکستان ٹیم کی کٹ کی رونمائی کے بعد چیئرمین پی سی بی مینجمنٹ کمیٹی ذکا اشرف نے کہا کہ پوری قوم کی دعائیں قومی ٹیم کے ساتھ ہیں، ایشیاکپ اور ورلڈ کپ میں قومی ٹیم کامیاب ہوگی۔

https://twitter.com/TheRealPCB/status/1696108978571497621?t=of6gQhRsCJTIf1sCLwwz2g&s=19

ان کاکہناتھا کہ پاکستان کرکٹ ٹیم اچھا کھیل رہی ہے، جو ٹیمیں پاکستان آرہی ہیں انہیں ویلکم کرینگے، ون ڈے میں ہم نمبرون بن گئے ہیں، مہینہ ڈیڑھ ہوا ہے آئے، جو ملک اور کرکٹ کیلئے ہوسکا کرینگے۔

یادرہے کہ بھارت میں ہونے والے ورلڈکپ کا آغاز 5 اکتوبرکو ہوگا، پاکستان کرکٹ ٹیم آئی سی سی کرکٹ ورلڈکپ میں اپنا پہلا میچ 6 اکتوبر کو نیدرلینڈز کے خلاف کھیلے گی۔