پاکستان میں نومبر میں انتخابات ہو جائیں گے، خواجہ آصف

فائل:فوٹو

اسلام آباد:وزیر دفاع خواجہ محمد آصف کاکہناہے کہ پاکستان میں نومبر میں انتخابات ہو جائیں گے تاہم انتخابات میں ایک سے دو مہینے کی تاخیر ہو سکتی ہے۔

امریکی ٹی وی کو انٹرویو دیتے ہوئے خواجہ آصف کا کہنا تھا کہ 9 اگست کی شام تک اسمبلی تحلیل کر دی جائے گی جس کے بعد آئین کے مطابق 90 دن میں انتخابات کرانا ضروری ہیں۔

انہوں نے کہا کہ پاکستان میں نومبر میں انتخابات ہو جائیں گے البتہ مخصوص حالات میں الیکشن کمیشن ایک سے دو مہینے کے لئے الیکشن کرانے میں تاخیر کر سکتا ہے لیکن اس سے زیادہ انتخابات میں تاخیر نہیں ہو سکتی۔

دوسری جانب میڈیا سے گفتگو کرتے ہوئے خواجہ محمد اصف کا کہنا تھا کہ انتخابات ایک سے 2 ماہ میں ہو جانے چاہئیں کیونکہ کوئی نئی حلقہ بندیاں نہیں ہو رہیں، نواز شریف انتخابات سے قبل ضرور پاکستان آئیں گے۔

وزیردفاع نے کہا کہ پی ٹی آئی ہمیں 20 سال پہلے والے سیاسی اور معاشی بحران کی طرف لے گئی ہے، جمہوریت میں وزیر اعظم کا آنا جانا لگا رہتا ہے، برطانیہ بھی اس کی ایک مثال ہے۔