فائل:فوٹو
اسلام آباد: نیپرا نے بجلی کی قیمت میں ساڑھے 7 روپے فی یونٹ تک اضافہ کرنے کی وفاقی حکومت کی درخواست پر سماعت مکمل کرلی۔
وفاقی حکومت کی جانب سے بجلی مہنگی کرنے سے متعلق درخواست پر سماعت چیئرمین نیپرا اور ارکان نے کی، جس میں وفاقی حکومت کی بجلی کے بنیادی ٹیرف میں 3 روپے سے ساڑھے 7 روپے فی یونٹ تک کے اضافے کی درخواست کی گئی تھی۔
نیپرا نے بجلی کی قیمت میں اضافے کی درخواست پر سماعت مکمل کرلی اور فیصلہ محفوظ کرلیا۔ نیپرا تفصیلات کا جائزہ لے کر اپنا فیصلہ وفاقی حکومت کو بھجوائے گی، جس پر وفاقی حکومت بجلی کی قیمت سے متعلق نوٹیفکیشن جاری کرے گی۔
خیال رہے کہ کابینہ نے سرکولیشن کے ذریعے بجلی مہنگی کرنے کی سمری کی منظوری دی تھی۔
Comments are closed.