9مئی واقعات کے بہانے ریاست پی ٹی آئی خاتمےکی کوشش کر رہی ہے، عمران خان

فوٹو: فائل

اسلام آباد: سابق وزیراعظم عمران خان نے کہا ہے 9مئی واقعات کے بہانے ریاست پی ٹی آئی خاتمےکی کوشش کر رہی ہے، عمران خان نے کہا کہ آتشزدگی واقعات کی تحریک انصاف نے مذمت کی۔

عمران خان نے ٹوئٹر پر بیان میں لکھا کہ پچھلے سال 25 مئی کو فاشزم میں ہمارے نزول کا آغاز ہوا۔ پی ٹی آئی حکومت کے ساڑھے تین سال کے دوران پی ڈی ایم کے تین لانگ مارچ کو بغیر کسی رکاوٹ کے اجازت دی گئی۔

انھوں نے کہا کہ لیکن ہم نے ریاستی دہشت گردی کا پوری قوت سے سامنا کیا،آدھی رات کو گھروں کی توڑ پھوڑ اور پی ٹی آئی کے عہدیداروں اور کارکنوں کو اغوا کر لیا گیا۔

Last year on the 25th of May commenced our descent into fascism. While three long marches by PDM during the 3.5 years of PTI govt were allowed without any hindrance, we faced the full force of state terror.
Houses broken in the middle of the night and PTI office bearers and…

— Imran Khan (@ImranKhanPTI) May 25, 2023

پھر جو بھی اسلام آباد پہنچا اسے آنسو گیس، ربڑ کی گولیوں اور پولیس کی بربریت کا سامنا کرنا پڑا۔ ہم میں سے کچھ نے سوچا کہ یہ ایک دور ہے لیکن یہ صرف شروعات تھی۔

پی ٹی آئی کے چیئر مین کا کہنا تھا کہ آج سب سے بڑی اور واحد وفاقی جماعت بغیر کسی احتساب کے ریاستی طاقت کے مکمل قہر کا سامنا کر رہی ہے۔ 10,000 سے زیادہ پی ٹی آئی کارکنان اور حامی جیل میں ہیں۔

عمران خان نے کہا جیلوں میں سینئر قیادت اور کچھ کو حراست میں تشدد کا سامنا ہے،عمران خان نے کہا کہ 9 مئی کو آتشزدگی کے بہانے (پی ٹی آئی کی پوری قیادت کی طرف سے مذمت کی گئی) ریاست پارٹی کو ختم کرنے کی کوشش کر رہی ہے۔

چیئرمین پی ٹی آئی نے کہا کہ اس میں زبردستی طلاقیں اور پی ٹی آئی کے اراکین کے خلاف فوجی عدالتوں میں مقدمہ چلایا جا رہا ہے۔

پی ڈی ایم اور صحافی برادری میں جو لوگ اس یزیدیت کے نعرے لگا رہے ہیں انہیں معلوم ہونا چاہیے پی ٹی آئی کو نہیں بلکہ ہماری جمہوریت یعنی ہماری آزادی کو ختم کر رہی ہے۔

سابق وزیراعظم نے لکھا کہ تاہم ہمیں غلام بنانے کی یہ کوشش ناکام ہو جائے گی کیونکہ ہمارے پاس سیاسی طور پر باشعور نوجوان آبادی ہے جو میڈیا کے مسخر ہونے کے باوجود سوشل میڈیا سے اپنی معلومات حاصل کرتی ہے۔

سابق وزیراعظم کا عمران خان کا چیف جسٹس کے نام خط

چیئرمین پی ٹی آئی عمران خان نے چیف جسٹس عمر عطابندیال کو مخاطب کرکے کہا ہے کہ سابق وفاقی وزیر اور رکن قومی اسمبلی مراد سعید نے اپنی زندگی کو لاحق سنگین خطرات سے آگاہ کیا ہے۔

انہوں نے کہا کہ سپریم کورٹ کے چیف جسٹس ہی وہ واحد شخصیت ہیں جو مراد سعید کی سلامتی یقینی بنا سکتے ہیں، ایجنسیاں ارشد شریف کی طرح مراد سعید کے بھی در پے ہیں۔

Honourable Chief Justice, former Federal Minister and MNA Murad Saeed has written this letter to you about his life being under serious threat.
Only the Honourable Chief Justice of the Supreme Court can ensure his safety.

Just like Arshad Sharif there are agencies out to kill… pic.twitter.com/wviVTvGD4H

— Imran Khan (@ImranKhanPTI) May 25, 2023

چیف جسٹس سے میری گزارش ہے کہ مراد سعید کی زندگی کے تحفظ کے لیے جو کچھ آپ کے بس میں ہے، ازراہ کرم کیجیے۔