سعودی عرب میں عیدالفطر ہفتے کو ہونے کا امکان

فائل:فوٹو

ریاض: سعودی عرب میں عیدالفطر ہفتے کو ہونے کا امکان ہے۔سعودی ماہر فلکیات ماجد ابو زہرہ کاکہناہے کہ تکنیکی طورپرچاند جمعرات کی شام آسمان پر نظر آئے گا تاہم یہ سورج کی شعاعوں سے روشن نہیں ہوگا۔

سعودی عرب کے ماہرین فلکیات کا کہنا ہے کہ شوال کا چاند جمعرات کو نظر نہ آنے کا امکان ہے تاہم جمعہ کو چاند واضح طور پردکھائی دے گا۔

سعودی ماہر فلکیات ماجد ابو زہرہ نے عرب میڈیا سے گفتگو میں کہا کہ تکنیکی طورپرچاند جمعرات کی شام آسمان پر نظر آئے گا تاہم یہ سورج کی شعاعوں سے روشن نہیں ہوگا اورخصوصی آلات کے بغیر دیکھنا مشکل ہوگا۔

اس سے قبل سعودی عرب کی سپریم کورٹ نے لوگوں سے کہا ہے کہ وہ جمعرات کی شام شوّال کا چانددیکھنے کی کوشش کریں۔